ساسانی دَور۔ کتاب مکران (حمید بلوچ) دومی بھر
راجد پتر -ھراسان مکران
ساسانی دَور۔ کتاب مکران (حمید بلوچ) دومی بھر
رجانکار : عبدالله میر
اردشیر اول ءِ بابت ءَ ملک سئید دھوار نبشتگ کنت کہ “اردشیر وتی ملک ءُ لشکر ءِ رھبندانی نیمگ ءَ گیشتر دلگوش گور کنت ءُ پہ آیاں نوکیں راه ءُ رھبند جوڑ کنت ملکی ءُ راجی جاورانی نیمگ ءَ گیش ءَ چہ گیش ھیالداری کنت ءُ ملک ءِ مالیات ءِ رھبندانی رِد ءَ دھکانکاراں جوانیں کمک ءُ مدت کنت ءُ آیان ءَ دلبڈی دنت آئی ءِ مول ھمیش بیت کہ دھکانکار سرکار ءَ گیشتر مالیات بہ دے انت ساسانی ءَکسان کسانیں دمگانی یاگی درست جت انت ءُ سرجمیں دمگ وتی دست ءَ کرت چشکہ ساسانی ءَ اشکانی (پارتھی) بادشاھانی سرجمیں جائیداد ءُ مال ءُ دولت کوٹ ءُ کلات درست وتی دست ءَ کرت انت ءُ سرجمیں ایران وتی کرت
کش ءُ گور ءِ لھتے دمگانی بادشاہ پیسرا چہ پارتھانی سر ءَ زھر اِتاں وھدیکہ ساسانی ءَ پارتھاناں پروش دات ھمساهگیں دمگانی سلتنت روم ءُ ترکی کمو ایمن بوت انت اے دَور ءِ گیشتر ھال ءُ اھوال رومی ءُ یونانی کوھنیں راجدپتری آرٹیلانی تہ ءَ دست کپ انت ءُ دومی تازی (عرب) کواس ءُ راجدپتر نویسکاراں دھمی سدی میلادی ءَ ایران ءُ مکران ءِ جاور ھالانی بابت ءَ بازیں کتابانی تہ ءَ نبشتگ کرتگ بلے آ کتابانی دراھی ھچ وڑا نہ بوگ ءَ انت ۔( الطہری) ءِ کتاب “الملوک اولرسل ” ءِ توک ءَ چش نبشتگ انت ” بادشاہ ءِ دربار ءَ شاہ کشاں، شاہ توران ءُ شاہ مکران ءُ آیانی وزیر ءُ منشی (اردشیر) ءِ سلامی ءَ اتک انت آئی ءَ چہ پد اردشیر ءَ بھرین ء بہ گر تا گور ءَ اے درستیں دمگانی سر ءَ اُرش کرت آ دمگ ءِ بادشاہ (سناترق) ءَ دیست کہ ما چار ایں نیمگ ءَ انگیز ءُ ارش ءِ تہ ءَ ایں گڑا آئی ءَ وتی کلات ءِ دریگ ءَ چہ دَؤر ئِے کرت ءُ وتکوشی کرت ئِے شہ آئی ءَ پد بادشاہ برگشت بیت ءُ مدائن ءَ واپس آتک ءُ کمو وھد ءَ پد وتی بادشاھی ءِ تاج وتی چک شاہ پور ءِ سر ءِ دات……
روان انت