ستی ۔ رجانکار : لعل جان بلوچ
ستی :
ردءُ بند : کوامے انتھونی اپیاہ ءُ ہنری لوئی گیٹس جونئیر
رجانک : پروفیسر حنیف کھوکھر / لعل جان بلوچ ۔
ستی ہندوہانی یک نیکراہی دود ئے ءِ نام انت ۔ گال سنجی ردءَ اےلفظ ءِمعنا ءُ مطلب “شرپمندیں ذال ” ( باعصمت ذال ) انت ۔اے دود ءِ ردءَ جنوزام وتی مُرتگیں مرد ءِ ہمراہی چتا ءِ تہا نندیت ، وتا سوچیت انت۔ بوت کنت بازیں جنوزاماں وتی رضا ءَ وتا کشتگ ات ،بلے ہندوستان ءَ اے دود ءِ راجدپتر زلم ءُ روراکی ءَ چہ سر ریچ انت ۔ہمے دودے وڑیں دگہ یک دود ءِکہ “جوہر” ءِنام ءَ ذانگ بیت انت۔کہ اے دود ءِ رد وھدے کہ مرد جنگ ءِ پڑھ بیت انت گڑا ذالبول ہمے گُمان کنت کہ بوت کنت کہ منی جود جنگ ءَ تہاکُشگ بوتگ ، ءُ دشمن آئی ءَ تاوان بہ دی انت ،گڑا ہمے بیم آئی ءَ وت کشی وڑیں گام ءِ زیرگ ءِ نیمگ بارت انت ۔
510 مھتر عیٰسی ءَ انچیں مے ءُ لوح دست کپتگ کہ ایشانی سیادی گوں ستی دود ءَ گوں بندوک انت ۔ہمے گمان کنگ بیت انت کہ جنوزام کُشی ءِ اے دود ءِ سیادی ہندوہانی کوھنیں ستک گوں بندوک انت ۔ کہ ایشی ءِ ردءَ مرتگیں مردمءَ دومی دنیاءَ ہم ہمبل دوستانی پکار بیت انت ۔اگاں ما اے دود ءِ پٹ پولکاری بہ کن انت ،گڑا مارا ہندوہانی کوھنیں کتاب مہا بھارت ءِ تہا ایشی ءِ بابتءَ ہم بازیں حوالہ دست کپیت انت۔اے دود ءِ شنگ بوھگ ءِ یک سبب ءِمعاشی تنگ دستی ہم بوت کنت ۔کہ کوھنیں اہد ءَ نیز گاریں ءُ واریں جنوزاماں اے گام پہ مجبوری زرتگ ات ۔
1680 داں 1830 ءَ نیام ءَ بنگال ءِ تہا اے دود ءَ برہمن ٹک ءِ تہا باز دیمروی کتگ ات۔ ایشی مستریں سببہمے گمان کنگ بیت کہ ہما قانونی رہبند انت کہ ( 1100ء) ایشی ءِ ردءَ جُود ءِمرگ ءَ پد ملکیت جنوزام ءِ بہرءَ کپنت ۔ بوت کنت ہمے قانون ءِ سبب ءَ جوپہ ایں سیادءُ وارثاں جوِزام ءَ اے سکین یا زور مرگ ءِ دپ ءَ داتگ ات ۔
مغل شہنشاہ ہمایوںٖ ءُ آئی بچ اکبر ءِ نام اے لڑ ءِتہا اول سرءَ کائنت کہ آہاں اے دود ءِ ھلاپ ءَ ترندیں گام ذرتگ ۔پداراجہ رام موہن رائے ءُ رومیش چندر ءِ وڑیں مردماں ہم اے بابت ءَ جہد کرتگ ات۔ہندوستان ءِ انگریز حاکم اے رسم ءِ ھلاپ ءَ ترندیں زھرشانی چہ لاچار بوت انت کہ گڈی ءَ 1829 ءَ اے دود ءِ سرءَ پابندی جت ۔
پولیس ءِ یک سرکاری رپور ٹ ءِ ردءَ ہندوستان ءَ 1987 ءَ ستی ءِ 1187ویل دیما اتکگ انچوش احمد آباد ویمنز ایکشن گروپ ءَ ردءَ ہمے سال ءَ ایوکا ریاست گجرات ہزارچہ گیش ذالبول ستی ءِ دود ءِ آماچ بوتگ انت ۔دومی نیمگ ءَ یک سروے ءِ ردءَ ریاست مہاراشڑ ءُ ممبئی ءَ پانزدہ سال ءَ بگر تاں بیست چارسال ءِ عمرءِ جنین آدمانی تہا نوزدہ درسد ” آس ءِ ویل ءَ چہ مرگ ءَ آماچ بوتگ انت ۔۔۔
۔۔۔۔۔۔۔۔۔۔۔۔۔۔۔۔۔ھلاس۔۔۔۔۔۔۔۔۔۔۔۔۔۔۔۔۔۔۔۔
کتاب :۔عالمی ثقافت کی لغت ۔