نثار احمدؔ

02.10.2014 ءَ غنی نقش ءَ کوڑھیں دنیا یلہ دات۔ آئی ءِ ھما امانت بزاں لچّہ، آزمانک،رجانک، کسمانک ءُُ نمدی کہ بلوچ راج ءَ سر کنگی اِتاں، آ منی گور ءَ ایر اِت اَنت۔ بلوچی اکیڈمی کوئٹہ ءِ چیزے باسکاں غنی نقش ءِ کتاب پہ شنگ کنگ ءَ چَہ منی گور ءَ لوٹ اِتاں، بلے من نہ داتاں۔ اے وت یک جتائیں کسّھے۔

04.02.2021 ءَ منی کماش ءَ دنیا یلہ دات۔ یک بیلے پہ پُرس ءِ نیت ءَ رھیم مھر، حسن علی حسن، ظفر کریم ءُُ منصور بالاچ منی لوگ ءَ اَتک اَنت، گڑا آیاں گوشت: ”غنی نقش ءِ بیرانی ءَ باز وھد گوستگ تو آئی ءِ نبشتہ کتگیں چیزاں باید شنگ بکن۔“

چیزے روچ ءَ رند، ھمے چاریں مردماں ”نقش“ ءِ نام ءَ یک WhatsApp group یے جوڑ کت ءُُ آئی ءِ تہءَ اصغر علی آزگ ھم ھواراِش کت۔ دراھیں لچہّ اردو ءُُ بلوچی9 دپترانی تہءَ اِت اَنت،بھتاورءَ باز جاگہ ءَ یکیں گال، دو ءُُ سے رندءَ ھم نبشتہ کتگ اَت۔ من ھمک دپترے کہ ھلاس کرت، گڑا پہ ایرت چاری ءَ ھمے whatsapp group ءِ تہءَ راہ دات۔ رندءَ مئے شَور ھمیش اَت کہ ھمے 9ویں کاپیاں پہ ایرت چاری ءَ ظفر کریم ءَ دئیں، بلے ظفر کریم موادانی دست گِرگ ءَ نہ یتک، رَندءَ من اصغر علی آزگ ءَ ھمے 9ایں کاپی ءُُ غنی ءِ آ دگہ مواد بزاں آزمانک،رجانک، کسمانک ءُُ نمدی پہ امانت رَدیانی گِرگ ءَ داتاں۔
پَہ سرجمیں نبشتانک ءِ وانگءَ جھل ءِ پی ڈی ایف ءَ ایر بہ گیج ات:
Download PDF