فضل ھیات ءِ دستونک: بَخمَلیں سِینگ ءَ آرام بے باتیں من ءُ تو
دستونک
فضل ھیات
بَخمَلیں سِینگ ءَ آرام بے باتیں من ءُ تو
دِریگتے اِنشپی ھَدنام بے باتیں من ءُ تو
زُلف آتار بے باتاں ءُ بے شِنگات چادِر
مِھر ءِ دَرگاھی ءَ ھمگام بے باتیں من ءُ تو
حَلوت ءُ سُکسُکے بُنگیج بے باتیں ءُ پدا
میتگ ءِ سُتکگیں بُھتام بے باتیں من ءُ تو
چاکری اَھد ءِ نِھیباں وت ءَ زُوراک کُتہ
ڈاڈَر ءِ سِینگ ءَ گھرام بے باتیں من ءُ تو
یوسفی اَھدی ءَ باتیں ما زُلیخہ دُروشُم
مصر ءَ بازاری ءَ لِیلام بے باتیں من ءُ تو
پہ وتی دوستاں بےباتیں ما مدام شات ءُ گَلے
دُشمن ءِ سِینگ ءَ چِیلام بے باتیں من ءُ تو
درچک تاکاں چہ زِبھر اَنت گوں ایرھَت ءَ فضل
بیا بھارگاھی ءِ ھَزام بہ باتیں من ءُ تو