لچّہ: انتزار، لچّہ کار: مبارک قاضی
لچّہ: انتزار
لچّہ کار: مبارک قاضی
لچّہ کار: مبارک قاضی
ماہ ءُ موسم وتی رنگ ءَ اتک ءُ شُتنت
ما گوں ارمانی ئیں دیدگاں نشتگیں
بلکیں گنجیں رگامانی جمبر شلنت
بودکاراَنت بگندئے پدءَ تاک ءُ پُلّ
ھَو بلے چوں کنئے
مئے نسیب ءَ گُشئے
تاکریچیں ودارانی آسر مُدام
بُور ءُ بٓر ھِچ نیاؤرتگ دْرچک ءٓ دل ءِ
کھچرانی نِدارگ چو ویرانگ ءٓ
آھگ ءٓ سر بھارگاہ پدی رپت ءُ شُت
ھِچ نہ رستگ مُرادانی دلمانگ ءَ
جان ھَما گونگ ءَ داگ داگ آبلہ
پاد ھَما گونگ ءَ تل تل ءُ تْراول اَنت
ارس ھَما گونگ ءَ سُھب بیگاہ شلنت
چمّ ھَما گونگ ءَ راھسراں دْراتکگاں
انتزار..انتزار
انتزار ۔.انتزار