لچّہ : من ءُ ھُدا دو سنگت اِیں۔ شائر: آھوگ گُل
لچّہ : من ءُ ھُدا دو سنگت اِیں
شائر: آھوگ گُلمن ءُ ھُدا دو سنگت اِیں
شائر: آھوگ گُلمن ءُ ھُدا دو سنگت اِیں
وتی ھساب ءَ گُنگ بئیں
وتی وڑ ءَ ھبر کنیں
ما دائم ءَ کہ ایوکی ءِ ساھتاں دچار بئیں
ما جاھے دست ءُ جیگ بئیں ءُ جاھے رازدار بئیں
ما سنگتیں ءُ سنگت ءَ مِڑگ کپ ایت
آ دامن ءَ اے ڈنگر ءَ اڑگ کپ ایت
بلے پہ مھر ما مِڑیں ءُ وش بئیں
ھمے مئے سنگتی ءِ راز ءُ لذّتیں
ھمے مڑگ مئے تاگت ءُ نزوری ایں
اے پندلیں جھان ءِ سازگار آ
ءُ من ھمے چہ پندلاں چہ یکے آں
تا اے ھیال ءُ جیڑھاں
دگہ کہ پندلے تہ ءَ کپیت مئے
من لبجگ ءِ تہ ءَ گُڑاں
سما کناں گوں ایوکی ءِ ھوری ءَ
ھُدا شتگ
منی ھدا ءِ دومی نام ایوکی
کہ سنگتیں منی
ما ایوکی ءِ ساھتاں دچار بئیں
وتی ھساب ءَ گُنگ بئیں
وتی وڑ ءَ ھبر کنیں