مارکس ازم،لینن ازم،کمیونزمءُ دگہ راج دژمنیں ازمانی نامءَ
مارکس ازم،لینن ازم،کمیونزمءُ دگہ راج دژمنیں ازمانی نامءَ
ندکار : سوالی بلوچ
(ہماہانی نامءَ کہ راجءُ راجدوستی یے شموشتگءُ جہان دوستیءِ شوپچءَ کپتگءُ وتاگارۓ کتگ)
ندکار : سوالی بلوچ
(ہماہانی نامءَ کہ راجءُ راجدوستی یے شموشتگءُ جہان دوستیءِ شوپچءَ کپتگءُ وتاگارۓ کتگ)
مروچی14مارچ 1995ءِ روچ انت
لہتیں کامریڈ انت کہ کم ریٹ اَنت
کوٹیءَ نشتگ اَنت
دیما ایرانت شراب
پیک پہ پیکءِ سرا
۔۔۔۔۔۔۔۔۔۔۔۔۔۔۔
سیاست انت
کسّہ اِنت
کُلّیں دنیاءُانسانءِ آجوئیءِ کسّہ اِنت
راجدپترانی تاک پہ تاکءُ کتاب پولی اِنت
روسءُ اوگانءِ جنزانی کسّہ اِنت
امریکہءُ سامراجءِ حلاف
وشءُ ترپشیں بٹاک
گپّءُ باوست
”گرم گرما بحث“
۔۔۔۔۔۔۔۔۔۔۔۔۔۔۔۔
چوکتہ ماؤءَ گوں چینی راجءَ وتی
کارل مارکسءَ جہانءِ حق پول اِتگ
لیننءَ کُلّیں مُزوریکجاہ کتاں
اتک آشوبے نوکیں جہانے ٹہہ اِت
وشّیءُ شادمانی یے تالان بوت
۔۔۔۔۔۔۔۔۔۔۔۔۔۔۔
بیاکہ کاریں ما آشوبے انچیں پہ وت
کامریڈےءَگپّے تہا دوردات
چمّے بندءُ پچ اَت
گشت دگہ یکّےءَ
دُورنہ انت آشوب نوں
بس کوہاں چہ آدیم بچار
سہریں آشوبءِ بام
روچ ٹک دنت بزاں آجوئی
مۓ درانی دپا پانگ اِنت
۔۔۔۔۔۔۔۔۔۔۔۔۔۔۔۔۔۔۔۔۔
ازم،ازمانی توکا
ما وتی راج دوستی پہکءَ شموشت
راجی جہدءَ را دات چپَوۓ
راجءِ نامءَ کنگ بوت پدا سیاستے
ٹھیکہ داری بنا بوت
لہتیں بیوروکریٹءُ وزیرجوڑبوت
لہتیں این جی اوزانی رنداشتاں
لہتیں اسلامیءُ اسلام آبادی بوت
لہتیں ہیرونیءُ چرسیءُ بنگی بوت
لہتیں ایجنیسیءُ ایجنٹیءَ شتاں
لہتیں کنٹونمنٹءُ فوجی چھاؤنیءَ شت انت
قومءِ نامءَ پدا ہرکسءَ ونڈ گپت
قوم پدا بے وسیءِ کورچاتےءَ کپت
ہرکسءَ راہے گپت،راہےءَ رپت
مارکس ازم،لینن ازم،کمیونزم
درست شیطانءِ آپءِ وڑا
گندگ بوتاں بلے زاہری یے ندات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(روان اِنت)