ما ھما انت نشتگیں ڈّنءَ۔ لچّہ کار: اے آر داد
ما ھما انت نشتگیں ڈّنءَ۔
لچّہ کار: اے آر داد
لچّہ کار: اے آر داد
۔۔۔۔
ما ہر رو بہ نندیں
بہ دوچیں کپن
مراں بہ کنیں ایوکءَ
پمارا زاناں سہبے ءِ لنکک
نہ بنت ھنّی
آسمان نہ بیت ننگر
بیار ایت
پما
زیتونءِ شبینءُ چہرءَ۔
بلکیں ما موتکےءِ لولیءَ پیداک بیتگیں
ہر کجا روئیں
بیدے گمجتیءَ
ھچ چوشیں سازے
واب نہ گیجیت مارا۔
ھیال کناں
ما وتی پتءِ بے سوبیءِ موسمءَ کِشگ بوتگیں
آروچاں
مئے ماتءَ نہ پَنّءُ سرمگے ھست ات
نہ مزواکءِ تشے۔
ما چمانی ندارگءِ سھرا بوگءَ پیش
سیاھیانی باگےءَ
گوں کلاگاں لئیبءَ اتیں۔
۔۔۔