مبارک قاضی ءِ لچّہ: ﺑﭽﺎﺭ ﭼﻨﭽﻮ ﺍﯾﻮک آں
لچّہ: ﺑﭽﺎﺭ ﭼﻨﭽﻮ ﺍﯾﻮک آں”
لچّہ کار: ﻣﺒﺎﺭﮎ ﻗﺎﺿﯽ
لچّہ کار: ﻣﺒﺎﺭﮎ ﻗﺎﺿﯽ
ﮐﺴﺎﺱ ﮐﻦ ﻣن ءَ ﺑﭽﺎﺭ ﮔﻮﮞ ﻣھﺮﻭﺍﻧﯿﮟ ﺩﯾﺪﮔﺎﮞ
ﺑﺮﮮ ﻣﻦ ﺍِﺷﮑﺮﮮ ﺑﯿﺎﮞ
ﺑﺮﮮ ﻣﻦ ﺗْﺮﻭﻧﮕﻠﮯ ﺑﯿﺎﮞ
ﺑﺮﮮ ﻣﻦ ﺁﭺ ﺑُﻦ ﺩﯾﺎﮞ
ﺑﺮﮮ ﻣﻦ ﺁﭖ ﺭﻭﮎ ﮐﻨﺎﮞ
ﺑﺮﮮ ﻣﻦ ﺩﮊﻣﻨﮯ ﺑﯿﺎﮞ
ﺑﺮﮮ ﻣﻦ ﺳﻨﮕﺘﮯ ﺑﯿﺎﮞ
ﺑﺮﮮ ﮔُﺒﺎﺭ ﺳﺮ ﺭﭼﻨﺖ
ﺑﺮﮮ ﺧُﻤﺎﺭ ﺳﺮ ﺭﭼﻨﺖ
ﺑﺮﮮ ﻣﻦ ھﻮﺵ ﺀُ ﺳﺎﺭ ﺑﺎﮞ
ﺑﺮﮮ ﻣﻦ ﭼَﭧ ﮔﻨﻮﮎ ﺑﺎﮞ
ﺑﺮﮮ ﻣﻦ ﺭھﮕﻮﺯﮮ ﺑﯿﺎﮞ
ﺑﺮﮮ ﻣﻦ ﻣﻨﺰﻟﮯ ﺑﯿﺎﮞ
ﺑﺮﮮ ﻣﺮﺍﺩ ﺀ ﮐﻮﮦ ﺑﺎﮞ
ﺑﺮﮮ ﻣﻦ ﻣﺴﺠﺪگ ﺑﯿﺎﮞ
ﺑﺮﮮ ﭘﺘﻨﮓ ﺑﺎﮞ ﺳِﺪﺍﮞ
ﺑﺮﮮ ﻣﻦ ﺍﺭﺱ ﺑﺎﮞ ﺭِﭼﺎﮞ
ﺑﺮﮮ ﻣﻦ جِنگُلے ﺑﯿﺎﮞ
ﺑﺮﮮ ﻣﻦ بُلبلُے ﺑﯿﺎﮞ
ﻣﻦ ﯾﮏ ﮐﺴﺎﻧﯿﮟ ﻣُﺮﮔﮯ ﺁﮞ
ﻣﻨﯽ ﮐُﺪﻭ ﻣﻨﯽ ﻧﮧ ﺍﻧﺖ
ﺑﭽﺎﺭ ﭼﻨﭽﻮ ﺗﻠﻮﺳﺎﮞ
ﺑﮕﻨﺪ ﭼﻨﭽﻮ ﺑﺰّﮔﺎﮞ
ﺑﻤﺎﺭ ﭼﻨﭽﻮ ﻏﻢ ﭘِﺮ ﺍﻧﺖ
ﺑﮧ ﺟﯿﮍ ﭼﻨﭽﻮ ﻭﺷّﺪﻻﮞ
ﺗﺮﺍ ﮐﮧ ﻣﻦ ﻭﺗﯽ ﮐﺘﮓ
ﺍﮮ ﺯﻧﺪﮔﯽ ﻣﻨﯽ ﻧﮧ ﺍﻧﺖ
تئی ﺯﺍﻧﮓ ﺀَ ﻣﻨﯽ ﮐﺘﮓ
ﻧﮧ ﮐﺌﻮﺵ ﮔﻮﮞ ﻣﻦ ﭨﻮﮎ ﮐﻨﺖ
ﻧﮧ ﺗﺒﺪ ﮔﻮﮞ ﻣﻦ ﺭﻭﮎ ﺑﯿﺖ
ﭘﮧ ﺳﺎﺭﯼ ﺀَ ﻣﻦ ﺯﻧﺰﺭﺍﮞ