مریم شمبُک۔ عینکی زال
مریم شمبُک
عینکی زال
سپید شال
آ پیریں استال
مردم ءُ سیاد گُش اَنت
عینکی زال وتی وہداں بلاہے بیتہ
شال ءُ بمبئی ءُ کراچی پہ نہادی رپتہ
ھپت شپ ءُ روچ تنِ تانکا راہاں بیتہ
شوک بیتہ ءُ وتی اُمر ءِ سباہاں بیتہ
ہؤر ءُ ھارانی تہا
مست ءُ خُمارانی تہا
لاپ ءِ والینگ ءَ، گوازینگ ءَ روچانی وتی
سینگ ئےِ مِکّ کُتہ بیتہ جنینی جاہ ءَ
عینکی زال کہ
انّی منی دیم ءَ نشتہ
کرچکءَ پُرّ اِنت چو نپادءَ
چد و انگا زیادہ
عینک ءِ کانچ ءِ تہا چار اِیت کہ دنیا نوک اِنت
مردم ءُ کار
دگءُ شہر
تلاہیں بازار
کُل آباد اَنت،
بلے اے نیام ءَ
دور چہ شہر، دگ ءُ مردم ءُ بازاراں کنار
ملک گولوکیں منء مریم ء شمبُک پیراں
شال ءُ بمبئ ءُ کراچی ءِ گمان ءَ دیراں