مصر ءِ سپر: ششمی بَھر ۔ انجنئیر الطاف بلوچ
مصر ءِ سپر: ششمی بَھر ۔ انجنئیر الطاف بلوچ
بالی پٹ ءَ در آھگے ءِ شرت ءَ منءَ عجبیں مارشت ءِ ءَ گور جنگ بندات کُت۔
ھزاراں سالگیں فرعونانی ءُ پیغمبرانی زمین ءِ سرا پاد ایر کنگ دلے تھا ترسے ودی کنگ ءَ ات۔
مھمد چو فرعونانی دورے کُھنیں سپاھی بُرز ءُ بارگ منی ھمراہ ات۔
پارکنگ ءَ سر بوگءَ پد آئی منی سامان گاڈی ءِ ڈکی ءَ ایر کت انت سگریٹے دپءَ کُت، منءَ جست ءَ لگ اِت، دپتر ءَ رَواں یا لوگ ءَ۔
من چہ آئی ءَ جست کت، ترا چے گشگ بوتگ، کجءَ ببر؟
گشت ئِے: دفتر۔
من گشت گڑا دفتر ءَ برو کہ منءَ وتی مینیجمنٹ گِندگی انت، پدءَ سم کارڈ ءُ ایندگہ کار ٹھینگی انت۔
من مھمد جست کت، زنے دفتر چینکس راہ انت؟
گھڑی ئِے چارت گش ایت کساس دو کلاک لگ ایت۔
منی دوھمی جست ایش ات زنے کائرو ءَ چہ ڈن دگے شھرے؟
پسوءِ دات کہ دفتر ءَ سر باں گڑا تو وت سرپد بے۔
کمو ساعتاں پد ما انچیں ٹریف ءِ تھا اتاں کہ سُرگ نہ زانت۔
کائرو ءِ دگ اُشکیں گاڈی انت۔
چو ایندگہ مسلمان سھمی دنیا ءِ پدمنتگیں مُلکانی پیما کانود ءُ رہبد نیست ھرکسی گاڈی کہ مستر انت کانود ھمائی انت۔
ما جنان پروشان کساس دو کلاک زُرت وتی منزل نیو معادی ءَ سر بوتاں کہ کائرو ءِ ڈیفنس یا بحریہ ٹاون زانگ بیت ( بلے چو پاکستان ءَ فوجیانی نہ انت)
مءِ سپر وا کساس بیست ءُ دو کلومیٹرے راہ ات بلے انچیں ٹریفک اوشت ءِ تھا مہ کپتگ اتاں کہ رَواں رَواں نہ سُراں۔
راہ ءَ مھمد منءَ روڈ ءِ کش ءَ ھما جاگہ پیش داشت کہ مصرے سھمی فوجی صدر انور سادت جندے فوجیاں پریڈ ءِ نیام ءَ 1981 ءَ کشتگ ات۔
عجبیں گپ ایش انت کہ مصر ءَ اسلامی فورسانی دیما آروک ءُ جہاد ءِ سکین دیوک ھم انور سادات بیت۔
وتی کشگ ءِ چیزے سال پیسر بزاں 1973ءَ انور سادات گوں سوریا ءِ ھاپز الاسد ءَ اسرائیل ءِ سرا ارش کنت۔
بندات ءَ جنگ ءَ سوریا ھو مصر باج بر انت بلے رند تر ءَ اسرائیل ایشاناں پروش دنت ءُ ایشانی بازیں زمینے بارت۔
مصرءِ صنائی ءِ مزنیں ھندیں داں سوئس کینال ءِ آدیم ءَ اسرائیل چہ مصر ءَ گیپت۔
سوریا ءِ گولان برگ بیت۔
جنگ ءِ دارگے ھاترءَ امریکی ھما دورءِ صدر جمی کارٹر دور کنت ءُ اسرائیل ءُ مصر ءَ نادینت ءُ اسرائیل، ایجپٹ ٹریٹی بیت۔
ایشی سوب ءَ اسرائیل مصرے بازیں گپتگیں زمینے مصر ءَ پچ ترین ایت، بلے مصر کہ پیسرءَ چو پاکستان اسرائیل ءَ مُلکے نہ مَن ایت، منگ ءِ جار ءَ جنت۔
اے ٹریٹی ءِ تھا ھاپز الاسد ھوار نہ بیت ءُ مصر چہ عرب لیگ ءَ ھم در کنگ بیت۔
ھمے جنگ ءِ سوب ءَ سوریا ءِ ھند گولان ءُ ویسٹ بینک اسرائیل ءِ دست ءَ روت کہ روچ مروچی داوا برجا انت۔
بلے چریں ٹریٹی ءُ اسرائیل ءِ منگ ءِ سوب ءَ انور سادت سنائی ءِ ھنداں دوار مصر ءَ ھوار کنائین ایت۔
اسرائیل ءَ گوں نزیکی ءُ وھابی اسلامی سوچ ءَ را (ٹریٹی ءَ پیسر کہ اسلامی فوجیانی وتی ھکومت ءَ را دوام دیگے ھاترا ٹول) تمرد کنگ ءَ مرد کوشارینت۔
انور سادات ءِ کُشگ ءَ پد نوکیں فوجی جنرل ھُیسنی مبارک نوکیں سروک بیت ءُ انگت ھست ات۔۔
روان انت۔