ْ!من ءَ توار بہ جن اِت
نبشتہ کار: ناکو مُراد

ْ!من ءَ توار بہ جن اِت
دوا انت۔ بس دست چست کنگی انت۔ انسان راز ءُ نیاز سُک سُک بہ کنت گوں جھان ء مالک ءَ نہ ملّایے ء دزبندی لوٹ ایت نہ کہ میاہ یے ء ِ
ادعونی استجب لکم
من ء توار بہ جن ات، اچ من بہ لوٹ اِت، من شمئے تواراں گوش داراں ءُ کبول اش کناں ۔
شماتۃ الاعداء رکگ ء دوا بہ لوٹ اِت ۔ آ چاریں چیز اِش انت :
۱۔ جہد البلاء
۲۔ درک الشقاء
۳۔ سوء القضاء
۴۔ شماتۃِ الاعداء
رسول اللہ ء چہ اشاں رکگ ء دوا لوٹ اِت :
اَللّٰھُمَّ اِنِّیْ اَعُوْذُ بِکَ مِنْ جَھْدِ الْبَلَاءِ وَ دَرَکِ الشَّقَاءِ وَسُوْءِ الْقَضَاءِ وَشَمَاتَۃِ الْاَعْدَاءِ ۔
چارینانی ء گیش گیوار ء آھانی پھمندگیں مانا ھدیس ء کتاب بھاری ء چہ واجہ ابوھریرہ روایت کنت ۔ رسول اللہ درائینت :
تعوذوا باللہ من جہد البلاء ودرک الشقاء وسوء القضاء وشماتۃ الاعداء

واجہ ھدا من چہ اشاں پناہ ء رکگ لوٹاں ، ترندیں چکاس ء آزمائیشاں۔۔۔۔بد بھتی ء بد نسیبی ء چہ۔۔۔سِلّین تکدیر ء۔۔۔ چہ ءُ ردیں پیسلھہ ء۔۔ چہ ءُ دژمنانی گل ء شادانی ءَ ۔
۱۔ جہد البلا:
ھر ھما مسیبت ۔ترندی ء تکلیپ انت کہ انسان ء سکگ ء ھاٹیگ جواب بہ دنت ۔ انچیں پتنہ ء آزمائیش کہ انساں موت ء لوٹوک بہ بیت ۔ انچیں نادراھی کہ برداشت ء اوپار جواب بہ دنت ء آھانی الاج ء دارو درماں مہ بیت، انچیں وام ء نکس کہ سریں پروش بہ بنت انچیں گم ء پریشانی کہ انسان ء ھوناں بہ چوس انت ۔ بے مالی ء بے زرّی بہ اولادی گریبی ء بزّگی ۔

۲۔ درک الشقاء: بد نسیبی ء بے بھتی، آئی ء دو تھر انت ، دنیاوی ء آھرت ۔ دنیاوی بد بھتی انسان ء دل و جان گناھاں لٹ بار بہ بیت ، نیکیں کار ء توپیک مہ بیت ، آھرت ء بدبھتی ناوشیں جاہ جھنم بہ بیت۔

۳۔ سوء القضاء: سلِین تکدیر ء ردیں پیسلھہ
چش کہ انچیں ھالات ء جاور بیا انت کہ انسان ء نکساں بہ رس ایت یا تکلیپ یا انسان پیش اتکگیں جیڑھاں انچیں ردیں پیسلھہ بہ کنت کہ آ ھانی آسر رد در بیا انت ء نکساں دیوک ء ھجالت ء شرمندگ بہ کن انت یا کہ انسان ء باروا ھاکم سردار میر ء مھتبر ء کازی ء زالمیں پیسلھہ بدے انت ۔

۔۴ شماتۃ الاعداء: ھمک انسان ء دژمن بیت ء آھائی ء سر ء زھر وروک

ھدا مہ کنت انچیں جاور بیا انت یا نگیگیں ھالت ء مسیبت کہ دُژمن شاداں بِہ بنت ء زھر وروک مزاک ء ریشکند بہ کن انت ۔