من تئی مھبت ءَ چوں تباھاں رواں
دستونک
اسلم قادر
من تئی مھبت ءَ چوں تباھاں رواں
چہ وت ءَ من گشئے بے سماھاں رواں
سمبھین تو وت ءَ شئر بندان باں
لبز لبزاں پتو من کماھاں رواں
داں تھاری مہ بیت رژن ءَ بستار نیست
گم ھمے ھاترا زند ءَ کاھاں رواں
چینچک دلپروش ما تئی در ءِ آھگ ءَ
گوں وتی درتگیں اے کباھاں رواں
کُشتگاں پُلّ تو گوں وتی زلمے ءَ
باگباں چوں ترا من گلاھاں رواں
چمّ ءِ دیم ءَ منی لوگ ستکاں درھیں
کئے گشیت کہ چدا بے گناھاں رواں
من بزاناں کہ راہ روت پہ منزل ءَ
دراجیاں کشکے ءِ من پتاھاں رواں
حاکماں پگر بس مڈُیانی وتی
چہ گریب ءِ گماں بے سماھاں رواں
بلبلانی کْدو آس داتاں کئے ءَ
آزمان ءَ کئی بد دْوّاھاں رواں
گپ تئی گشتگیں کس ءَ باور نہ بنت
اسلم ءِ گال گوں اے ھواھاں رواں