مَرو ماھل پُتینکاں چیزّکے بیت۔بدلخان واڈیلہ
دستونک
مَرو ماھل پُتینکاں چیزّکے بیت
دپی تامے گلاس ءَ ترنزّکے بیت
نہ بیت گوشتے گڈّکی آسکلّکی
شپی شامے تیاریں رِیزّکے بیت
تبے زُلپانی شودآپاں من نوشاں
ریچی جمبرشمورگ شنزُکے بیت
تئی سیسرکءُ تینئیگ تئیگ انت
منی شیکن سرءَ ھم درنزُکے بیت
نے ریکے جنتءُ نے ارتیں زِبارے
شمالءِ گْوات مرچاں دنزّکے بیت
مَکش جونءَ مدے دور کمبروءَ
زِکّے درپے آگاہ نا ھِیزُکے بیت
بدل خان رُستگءُ بلئے تمردیں
گُلءِ پادانی چیرءَ پینزّکے بیت
بدلخان واڈیلہ