“مکران ـــــــ تاریخی و تحقیقی تناظر میں ۔ ڈاکٹر فاروق بلوچ
“مکران ـــــــ تاریخی و تحقیقی تناظر میں “
مصنف :ڈاکٹر فاروق بلوچ
ھشتمی بھر
تحریر : سجّاد کوثر (27/04 /2023 )
پنجگور(تسپ کے لالیئیاں سے) کے دمب اور آثار قدیمہ سے دریافت یا برآمد ہونے والے اشیاء سے یہی لگتا ہے سندھ اور عراق (اکاد) سے تجارتی روابط ہونگی گو کہ اس میں تشنگی پائی جاتی ہے ، مزید تحقیق کی ضرورت ہے . بحرحال ان علاقوں سے دریافت ہونے والے نواردات کی جانچ پڑتال سے موضوع بحث بن سکتا ہے .
شاھو قلندر شاپاتان میں واقع ہے جوکہ یونین کونسل چتکان میں آتا ہے . شاھو قلندر دریائے رخشان کیساتھ جنوب کی طرف میں واقع ایک خوبصورت گُنبد ہے . یہ گُنبد خاران میں موجود مقبروں کے طرز پر بنایا گیا ہے . اس میں ایرانی اور ترکی طرز تعمیری کی عکاسی کرتی ہے . اس میں پکی اینٹیں بڑی مہارت سے استعمال کی گئی ہیں جو کہ اس وقت کی ھنر و کاریگری کی ایک شاندار مثال ہے . یہ گُنبد باہر سے ایک چھوٹا قلعہ لگتا ہے مگر اندر سے ایک کشادہ مکان ہے . اس کے دو طاق ہیں ، ایک اوپر والے منزل کے لئے کھلتا ہے اور دوسرا بالا خانہ کیلئے کھلتا ہے . اس کے بالا خانے میں میتیں رکھے ہیں ، گُمان یہی ہے کہ یہ میتیں اس وقت کے شاہی یا حاکموں کی ہونگی .
“پنجگور کے شہر سوردو کے رہائشی عبدالحکیم نے بتایا تھا کہ میں جب جوان تھا اس وقت اس گُنبد میں گیا تھا جہاں بالا خانے میں دو دیواریں تھیں انکا ایک حصّہ گِرا تھا وہاں آٹھ لوگوں کی لاشیں ایسی رکھی تھیں گویا انہوں نے دیوار کو ٹیک دیے ہیں . ان سے یہی لگتا ہے انکو زندہ سزا دی گئی تھیں اور اسی حال میں انکی موت ہوئی “
نسیم : شنگ بوئگ ءِ رمس نیست ، 134
اس دور میں حاکموں اور بادشاہوں نے اپنے مجرموں کو اسی طرح سے سزا دیتے تھے . یہ بھی ایک پرانا مقبرہ ہے ، قوی اندازہ یہی ہے کہ یہ تیرہویں صدی کے دہانی کے ادوار کا ہے . قدیم زمانے میں بیرونی حصّے میں جو اینٹیں استعمال ہوئی تھیں ان میں مختلف جانوروں کے تصویریں بڑی فنکاری سے نقش تھیں گو کہ شاھو قلندر کا گُنبد وقت کیساتھ اپنی قدیم شکل و صورت اور پرانی حالت میں بر قرار نہیں رہ سکی ہے . ان نقش کاری سے یہی اندازہ لگا سکتے ہیں یہ مقبرہ زرتشی مذھب کے لوگ تھے . جس طرح بَگدَر کور تسپ پنجگور میں بلند پہاڑی پر بنائے گئے قلعے سے بھی زرتشت مذھب کے آثار ملے ہیں ، جہاں انکا آتشکدان واضع نظر آتا ہے .
شاھو قلندر کا اصل نام تو سید محمد عثمان حنفی مروندی ہے ، وہ ایک خدائی برزگ و صوفی تھا . انکا تعلق آذربائیجان کے شہر تبریز سے تھا . وہ 1261ء میں پنجگور میں اپنے کچھ مُریدوں کیساتھ آیا تھا اور اپنے لئے یہی جگہ پسند کیا تھا . جہاں وہ اس مقبرے میں بیٹھ کر چِلّا کاٹتا تھا اور عبادت کرتا تھا . وہ کچھ عرصہ پنجگور میں گزار کر سندھ چلے گئے . انکا اصل مقبرہ سندھ کے شہر سیہون شریف میں ہے .
پنجگور میں ایک قدیم ڈیم بھی ہے جسے “بند گِلڑ ” کہتے ہیں . یہ دریائے رخشان کے کنارے اور بونستان گاؤں کے قریب واقع ہے .
“ایک دوسرا بند لاکوریان کے نزدیک واقع ہے اور تیسرا بند وہ ہے جو دریائے رخشان پر باندھا گیا تھا . جس میں بڑے بڑے دور سے نظر آتے ہیں جس میں بڑے لمبے چوڑے نہایت وزنی پتّھروں کے بلاک استعمال کئے گئے ہیں اور بعینہ اسی طرح دریائے رخشان کے کنارے پنجگور سے صرف سات میل کے فاصلے پر ایک بلند اور طویل بند کے آثار ملتے ہیں “
دھوار : نیست ، 171، 49
پنجگور کے بند گِلڑ کے متعلق کہا جاتا ہے کہ ایک پرانا بند ہے اور قبل از مسیح کا ہے . ان بندات کی تعمیر سے یہی لگتا ہے کہ انکو زرعی مقاصد کے لئے استعمال کئے گئے تھے اور زیادہ بارش کا ثبوت فراہم ہوجاتا ہے اور انکی تعمیر بھی ایک گنجان آبادی نے سر انجام دی ہوگی ورنہ قلیل آبادی سے اس قسم کے بندات کی تعمیر کی توقع تقریبا ناممکن ہے .
(جاری ہے)