بدل ۔ نبشتہ کار: ناکو مُراد
ناکو مُراد ءِ کسہ : بدل۔
بادشاہ ھارون رشید ء چُک ء شکایت کُت سپاھی شھمراد ء
چُک ء منی مات بد ءُ بُل داتگ بے ننگیں بد گوشتگ
آئی ء شزا نہ دات من پاد نیا آں
ھارون رشید ء وزیر ء گزیر جست کت انت
شما چے شور دے ات
یکے ء گوشت پاھو بدے ئے
دومی ء گوشت زبان ء چہ بن ء بُرّ اِت ئے
لمبر گیش کنگ ء واد ھلاری بندات بیت
پتچک ء چارگ ء ات
آ زھر ء جُشگ ء ات
یکے وزیر ء گوں ھرم ء بانک بد گوشتگ
ابرت ء چیدگ ء نشان بناینگی انت
ھارون رشید ء دیم ترینت ء چک ء گوشت ئے
منی نزء ء بدی ء سِلّی ء پسو
ھما کساس ء بدلہ انت
ناں گیش ناں کم ھمینچو بد
تئی مھکین مات بد گوشتگ
تو ھما کچیں بد بہ گوش
یاد کن گیشیں بد ء بولانی ھساب دیگ لوٹ ایت
منی ھبر ء گرئے گھتر ھمیش انت پھل کن