واهـــَـگانی بـَـهــار

( اے پــِـربـَنـد بلوچ راج ءِ ناسرجمیں جهد و جهدکارانی نا سرجمیں یات و
یاتگیری اے . آیی ءِ اندر ءَ دلجماں که گیشی ءِ گنجایش سَکّ باز انت ،
بلے اپسوز که منی زانت ، دَزرَس و یات کم انت …

اے پربند ءَ من نه شئیر و نه دگه نامے دات کناں . تهنا همیش گوئشاں که اے
بلوچ ءِ ناسرجمیں جهد و جهدکارانی نا سرجمیں یات و یاتگیری اے !
… )

گـَـمـانی آُس سُتکگ بیر و گِرَنداں

چو بـُـڈیت روچ دریای ءِ ماں تـَنداں

چـُشین گؤشے تَهاری مانشانتگ

که ستکگ ساه و هَستی نِشتگ زُنڈاں

که چماں هون و کور انت مستی ءِ واب

که زَهم و توپک و ٹینک انت لـُنڈاں

گِر و بَند انت راستی ،رُژن و روچ ءَ

تهاری ءِ شپ و بے راهیں بُنڈاں

پدا روله پدا رونند ءِ جاک انت

پدا گِپتگ مڑ و جنگ ءَ گوں واک انت

پدا هون انت که شپ دوست داتگ پیژار

پدا امیت بهاراں یار و تاک انت

پدا شاهانی شاهی پاد ءِ چیر انت

پدا هم اوشت و نوکیں راه پاک انت

پدا استار زراں چو بیرک ءِ داب

پدا ماتی ءِ لـَجّ بچاں په هاک انت

مج انت زند و همک نیمگ چو تامور

پدا چم انت که زُلم ءِ دَنز انت چه کور

گریه انت ، اوشت و بَند انت سسا بے موچ

سُریت هاک ءِ تـَل ءَ ، زند گر که هست دور

کسی گام ءَ نه اوشت انت جُهد ءِ هجبر

نه سانڈ اش داشت ءَ کنت جهدان ءَ نه زور

دروت دردانگیں بیلاں دروت هم

شمئی همت ، شمئی جهد و سر ءِ بور

دل ءَ جَزماں بلوچ ءِ بیت بهارے

پدا ٹـِک دَنت پما وَش روزگارے

پدا هامین ءَ بیت ، بیت انت بهارگاه

چه ملک ڈکال ءَ ولگـُـوَج بیت په جارے

پدا مـَـلـّنت بلوچ وتی گلزمین ءَ

نه زُلم ءِ آس ءَ بیت نه زوم و مارے

پدا چماں تـُـرُپنت امیت و روک بنت

نه بیت جبرے ، نه گوریچ و لـَوارے

پدا سارانی – رویا کاڑ بلوچ ءِ

پدا رَحمانی – ارشد پـُلّ روچ ءِ مهندس علیرضا ارشد رحمانی شهستان،

پدا رینکی محمدگُل که مَلاّں

پدا زَرد کوه – رحیم چست ءَ بیت موچ ءِ

پدا بیبگر ءَ کـَیت و کیت اشکان بیبگر زرد کوهی – مهندس ابراهیم اشکان

سلیم جان و چراگ جان زُلم سوچ ءِ سلیم کهرازهی – چراغ محمدی،

رئیسی کیت و نورایی دوئیں بیل مهندس عبدالرحیم رئیسی – امین نورایی،

پدا نازینک ءَ بیت هر وهد و روچ ءِ

پدا آکوب ءَ مَلیت مهر ءِ همپاد یعقوب مهر نهاد،

پدا براهیم ءَ چَنڈیت پلیں بالاد ابراهیم مهر نهاد،

پدا داد ءِ توار پرشیت ماں دیوان

پدا زند ءِ مزار کوه بیت هم یاد

پدا دَپتان نوک و تاجگ ءَ بیت دَپتان : « تفتان »،

پدا پیڑی وتی بالاد کن انت شاد پیڑی : سدی ، « قرن » .

پدا ماتانی دپ پل کندگ ءَ بیت

پدا وارک و جنوزامے نه بے مراد

پدا نوروز نوابیں کنت دیوان

لونگ خان و سفرخان و شپی جان

پدا بندنت دیواناں بَزیناں

پدا گوهرام ، چاکر ،میر جلال خان میر گوهرام لاشاری – چاکرخان رند،

پدا اکبر مزاریں کیت مَلاّں نواب اکبر خان بگٹی،

پدا هَمّل پَرَنگی پروشیں کـَنداں همّــَل ( همبل ) جیند ،

پدا میر دوست محمد و کاڑک گلیں یل میر دوست محمد خان بارکزئی،

هگازی رحم علی گوں پهلواناں قادر بکش دزّکی _ رحم علی مری،

کمالان ساز ءَ کنت تنبورگ ءَ چو ملا کمال خان هوت۔

رَمی کیت و پدا فیض بیت وَش رو استاد رمی واجه فیض محمد ءِ استاد بیتگ۔

پدا موسا ی ءَ بیت ملا هگازی ملا موسا راسکی ، ملا ابراهیم ءِ بچ .

پدا جاڑک چو دُرُّک بیت وَش گو جار محمد بلوچ .

پدا لاڑوجناں پروین ءَ بیت هم وش گٹیں بانک میمن پروین .

پدا مئی کُلّ و مئی هنکین وشبو

پدا مَلـّنت ورنا دَشت و گنبد

پدا سوبانی دیوانجاه کولو

پدا کیت انت میریں دادشاه هم

کمال ءِ بَچ ، نازاکیں بے گـم

پدا ایسپ عزیز کیت انت مگس چه میر یوسف عزیز مگسی .

پدا آشوب ءَ کیت شورش ءِ همدم میر عبدالکریم شورش ( امن ).

پدا شاه احمد انت بستگ سُرین ءَ احمد شاه دادشاه ءِ برات .

براتاں ساه ءِ بهرا بیتگ یک رَم

پدا عنقا و آزات و تلوی محمد حسین عنقا – آزات جمالدینی –
نسیم تلوی۔
بَیـَنت دیوان روانبد و سید هم مولوی عبدالله روانبد – سید ظهور شاه هاشمی۔

امیری کیت صمدجان گوں براتاں میر عبدالصمد امیری۔

سَد انت هوت ءِ و مولاداد ءِ زاتاں میر مولاداد هوت۔

دَپ اش کـَندوک و واهگ بُرز دار انت

زهینتگ راج ءَ په هم مهر ءِ چاتاں

دگه وَش مَـلـّیں بیلے پهلوانی

پدا جَنت انت گروک ماں راج ءِ یاتاں

پدا کیت انت میریں هم جلال خان چل و چار بولک ءِ سروک

پدا راج ءَ بلوچ ءِ په سواتاں

امیری کیت رشید جان نوک بهاریں عبدالرشید امیری .

هزار رژن ءِ براه ، امیت هزاریں

پدا جیهل به ییت هیبت گوں همراه میر خلیل خان گمشادزهی ءِ همراه ءَ
شهید بیتگ انت و حسین
بر بیتگ انت.
پدا سمی زریت انت مهرواریں سمی و مست توکلی .

پدا کیت موسیانی میر بهاول میر بهاول خان موسیانی

ولی محمد گوں مَـلـّیت انت شِیواریں میر ولی محمد زرک زئی .

پدا نیچاری کیت انت غلامرسول خان

گوں سبزل ، میر جمال خان شیر شکاریں سبزل خان و میر جمال خان زهری.

حسین بُـرّاں چه کیت سَر رحمت الله

هزاراں دوست تریں بیلانی سر ٹـاه

رئیسی کیت یلیں احمد حسن جان

بلوچ ءِ مردی و هم همت ءِ گواه

گوناواں همره انت پلـّیں بلوچ راج

هَمـُـک ورنا ، یلیں راجدوستیں آگاه

نه بنت راجانی مـَـٹ ءَ پؤج و جـَرنیل

نه زلم ءِ نابکاریں ملا یا شاه

پدا مهراب ، هلیل خان کنت مهمان میر مهراب خان شهید بلوچستان ءِ بادشاه.

پدا چست کنت گُرزاں پلیں میران میران ، میر چاکرخان ءِ نامی ئیں زهم جن.

سپاهی کیت و ملـّیت گوں نظیری صادق نظیری.

پدا آکوب ءَ دنت رنگ زند ءِ مهراں

پدا گمشادزهی پئوج انت که چَنڈیت

پدا کوٹور ءَ کَندیت پلیں دیوان کوٹور گمشادزهی .

پدا گوانکے که بیت چَنگ و رباب بیت

وتی سوباں په ناچ پلیں شیراں

پدا صدیق ءَ بیت آزات و مَلـّیت محمد صدیق آزات .

پدا لال بکش وتی رنداں گوں جـَلـّیت لال بکش رند .

پدا دیوان ءَ بنت تالپور ءِ ورنا

پدا گؤربام ءَ بیت سیه شپ وا هَلـّیت

براهو ءِ گلیں دیوان برجم

پدا جدگال ءِ نیکیں تام وَلیت

پدا زانتانی رنگ انت روژنا بیت

نزانتی کـَڈ ءَ بیت امیت پـَلـّیت

پدا پردل به ییت گوں سرمچاراں

پدا شیرو مری چَنڈیت گوں سواراں شیر محمد مری ( بابو).

پدا بولان ، نهنگ و رودباراں

پدا مَلـّنت سپاه گوں میر هزاراں میر هزار خان بجارانی مری .

پدا دادمحمد و شیریں مهیمی حاجی دادمحمد بشکردی.
محمد خان مهیمی.

پلنگ چم انت و راج ءِ پهره داراں

پدا بیزنجواں ، غوثی وا کندیت میر غوث بکش بیزنجو .

پدا هم مینگلاں ، گل خان انت جاراں میر گل خان نصیر .

پدا کلمت چه کیت بالاچ میریں بالاچ کلمتی .

پدا خالد وتی مات ءَ گوں هیریں

سلیمان کیت و مَلـّیت پُسـّـگاں گوں میر کمبر و میر نگدی ءِ پت .

پدا میر کمبر انت کیت نوک سیریں

پدا بالاچ ءَ کیت هور گوں غلام جان میر بالاچ مری _ میر غلام محمد بلوچ.

فدا بیت و سیه بج بیت دیریں فدا احمد . سیابج بلوچ .

عطاشات کیت ، نـَدوی ءَ گوں مَلاّں عطاشات محمد اسحق . مولانا خیر-
محمد ندوی .
پدا سر چست ءَ کنت یارجان پیریں یارمحمد بیوطن .

پدا شاهاں گوں کیت شاهیں بٹے خان نواب نوروزخان ءِ کنگریں بچ .

هزارناز و گلیں ورناییں شیرجان واجه شیرمحمد بلوچ ( مری )

منیر کیت انت وتی گوں کَندگی دَپ واجه منیر بلوچ ( لا لا )

براهُندگ یلیں شیرانی دیوان

به ییت سولیں گلین الله نظر چو

بهشت ءِ هم پری گـَرد انت هیران

نواز کیت انت بگٹی چوٹ بروتیں نواز خان بگٹی نواب اکبر ءِ برات .

پدا نسکنتی کیت گوں یار و بیلاں واجه میر یوسف نسکنتی .

پدا پلیں مجید کیت و تران کنت

محمد یوسف هم سُهرابی شان کنت ملا محمد یوسف سهرابی

پدا شاهانی گالاں پهک شموشنت

پدا عنقا و قومی ره نشان کنت میر عنایت الله قومی .

پدا کیت انت محمدخان بلوچ یـَـل

بلوچ ءِ سربلندی ءِ مڑاں کنت

پدا نوری ءَ کیت پـُـلیں نصیر خان میر نصیر خان نوری .

بلوچ ءِ شاده ءَ مـُچ مئی سراں کنت

نقیبو کیت یلیں هم شاد و کـَنداں

جهان ءِ شادهی ءَ راه رَنداں

که لـُڈیت سربراه بی بی بانـَـلی هم

وتی دَزگهار و کاڑاں پهر بنداں

که نازینت اش په راج نازاکیں سر هم

وتی آبات کت اش هم دَشت و شنداں

جهان ءِ هم متاه تئی جهد و نام انت

که نیکیں نام جهان مانیت کـَنداں

پدا کیت انت بلوچ چه زنگبار ءَ

پدا شود ایت دل ءَ بس کنت شکار ءَ

پدا ستار- شفی گوں کنت دیوان استاد ستار و استاد شفی محمد بلوچ.

پدا ساز و توار ءِ بیت جار ءَ

پدا ناچی هزار کاینت په ناچ ءَ

پدا کـُٹنت رهچار ءِ ودار ءَ

پدا بیت بلجم ءِ بنجو ءِ آواز

بلوچ ءِ ساز بیت انت وَش توار ءَ

پدا جام دُرُّک ءِ کیت انت دپ ءِ گال

پدا کـُٹ انت بد روچاں و ڈکاّل

پدا مست بیت و جوانسال ءَ گوں دیوان

بهارے بیت و هم مست بنت مئی مال

پدا کیت انت صادق رینکی ءِ بَچ

پرشیت زلم ءِ روچ و جَؤریں دَمال

پدا کیت انت آزاتیں ودار ءَ

توار بیت کندگ و وشی ءِ بیت هال

پدا کیت انت بلند ءِ وشیں آواز

پدا زَنگشاه ءِ موسا سروز ءَ کنت ساز

بهاراں پل ءَ شانت پَٹ و ڈگاراں

پدا آهوگ ءَ تِرَڈ انت آسک ءَ کنت ناز

پدا کـَپ بنت په مهر ءَ کوه ءِ دِرَنگاں

پدا مهر ءِ تَچنت هم چَمّگاں باز

پدا بیرک بلوچ ءِ بیت برزا

پدا زند – مهر ءَ بیت و مهر ءِ همراز

هگازی شاعراں بچکندگے گوں

پدا مهر ءِ کشاراں بیت همشون

پدا کاڑانی نازینک مهر ءِ گال بیت

پدا آبات ملکاں بَنت سد چون

پدا راجاں ، پدا چکاس ءِ دَؤر بیت

نه مُلکاں زور ءَ بیت نه کـُشت ونه هون

پدا بیت انت هَـَـشر په مردمان ءَ

پدا زانت انت که ڈکـّالان ءَ کـَنت دون

پدا هــُـشـّک چه کیت واحد دلیریں

غفور انت ریکی ءِ هم مَـٹ و شیریں

پدا ملاّزهی میر انت که مَلّ انت

چو قدوس واجهیں ملا و نیریں

چو فاضل بیت بلوچ ءِ شون و شونگال

نترسنت ڈکیان ءَ ساه گیریں

پدا دهمردهاں مـَلـّنت چو سَؤل ءَ

په راج ءَ سرمتاب و واجه میریں

پدا میر مستی خان ، نوروز ءِ همراه

پدا دیوان کن انت راجانی دوزواه

پدا قنبر زهی کیت انت سعیدجان

پدا الله نظر کـَبدان ءِ بیت گواه

پدا ناروئیاں کیت انت چه بهزاد

پدا سربازیاں مولانا بیت شاه

پدا صالح زئی گل محمد ءَ بیت

پدا جهداں گوں ورنا هم جن انت ٹـاه

پدا درازهی آدم و ستار

وتی جهداں په راج ءِ برزیں بستار

پدا گرگیج شمس الدین گلیں یل

بلوچ ءِ همتانی نوکیں پاکار

پدا شه بکش ءَ کیت ملا درخشان

مئی آسکانی عبدالحق هم سار

پدا ریکی حمید جان پر مڑائیں

پدا گوں بامری ءِ رُمبیں سردار

پدا سهراب زهی کاینت پیراں

ملنگ و نیک دَربیشیں امیراں

پدا محمد علی بیت پیر و حافظ

پدا دَروَنت و تالیم ءِ وزیراں

پدا وانگ ، پدا زانتانی دَؤر بیت

پدا آباتیانی راه ءَ زیراں

پدا پـَـهرانی نوکیں راه بُنگیج

چه جـَـٹ و جاهلی ءَ سِنداں دیراں

پدا هـُرمـُززیی عبدالحمید جان

حـُسین بُـرّاں چه کیت انت محمد یں جوان

ستوده کیت آکوب نوک ورنا

چه زین الدین ءَ هم لال محمد یں خان

پدا کیت انت شه بکش عبدالمالک

ثنا الله یں ورنا چه تمندان

پدا اسفندک ءِ عبدالحمید بیت

عمر ، محمد ، زمان چه بامریاں

پدا شهداد ءَ کیت مهناز ءِ ناز ءَ

پدا شے ،هانی ءِ بیت انت همراز ءَ

پدا عزت په مهرک بیت نوک تاب

پدا سوری زیی کاریت ساز ءَ

یلی خان بیت کـُلی ءِ سرمتاب هم

پدا للاّی ءَ بیت شاهانی گواز ءَ

پدا نَگدی ءَ مَلـّـیت بنت و لاشار

پدا دربیش پیری بیت جمازءَ

پدا یک بنت براتیں رند و لاشار

پدا کهچر بینت یک ، نام و بُستار

پدا شیرهمتانی بیت سردار

پدا کوهاں پروشنت ڈکیں کاٹـار

پدا اشّو مری اں بیت همیار

پدا جـَتـو ، لـَگاری یکیں یدار

پدا زرداریاں کاینت کن انت سار

پدا مهر ءِ کشاراں رنگ ءَ بنت بار

پدا نورای ءَ کیت انگریز ءِ سه گِر

پدا خیر بشک ءَ کیت میریں و نامر

پدا مینگل په بیت اسلم وا چمے

براتاں نزکاریت بیل و سرگُر

پدا گل خان به ییت راج ءِ سروک گوں

نصیر بیت شاعریں شئیراں په شپ گُر

زر ءِ مستی ءَ بیت و ساوڑی مَؤج

پدا پلپوش چه پلاں بیت کـُه دِرّ

پدا پهراں په ننداں پهر ءَ بنداں

پدا دیوان کنوں پلیں گوں رنداں

پدا لاشار، مری ، رینکی سمال زے

پدا جدگال ، ناروئی ، تمندان

پدا کاینت براهو ، بگـٹی ، مینگل

پدا میر کمبر و نوشر ءِ پـَـدرَنداں

پدا احمد زئی ، گـَمشاد ءِ وَل بـَر

سپاهی ، بُـلیده و لاسی ءَ گِنداں

پدا کاینت سَداں رُمب چه بلوچاں

چه سَنجر بیت ، بُزدار بیت و شاهوان

چه لانگو بیت و هم شاهیچه ءِ جوان

چه بهرامی تمرداں ، میر و هوتاں

جمال زے بیت و هم سردار زهی یاں

که ارباب بیت ، و درزاده ، مَلکاں

حسین بُرّ ، نتو و ساسولی زاتاں

جمالدین ، نذرآباد ، گنگو براتاں

پدا گِچکی ءَ بیت هم شیر و آبات

نمازی ، زگری هم هر کس په وت شات

مهیمی بیت ، هم هارانی ، جلوان

چه پنجگور و نِگور تا که سراوان

گوں دزکی ، بزرگزاده ، میر باران

گوں سرحدی ءَ هم پَهوال و رکشان

پدا گرگیج ءَ بیت و بیت میداں

زباد بو هم بَـیـَنت مئی پلیں زیداں

پدا فردوسی کیت انت شاعریں شه

پدا روستم به ییت سهراب گوں همره

بَـٹـایی بیت شـَے عبدالطیف هم

پدا گِیلک بلوچاں گوں یگجه

پدا ڈیمز انت که کیت و پاگ ءَ بندیت

پدا گشکوری چاریت مئی پد ءِ ره

پدا جان محمد و بندیگ و یارجان

بلوچاں پهر ءَ بندنت و منزلاں گواه

پدا مهر هم بلوچانی زبان بیت

پدا پـَؤر هم پما وَش جی و جان بیت

پدا زانتانی نوک روک بیت کلات ءَ

مئی زانت هم گؤزاں چه آزمان بیت

پدا هم کِـٹ و بجارانی دود بیت

پدا هم شیر و بینگ هر گِساں بیت

پدا پیرانی پـَجّ و مَستری ءِ دَؤر

پدا ماتانی مهرانی نوان بیت

مئی ڈیه ءِ سَداں انت پـَؤر و استار

بلوچانی دلان انت یات و نورگوار

سَداں آتکگ بلوچاں نا شریں لـَوار

سَداں رپتگ بلوچاں دورسریں هار

پدا پیڑی ءَ هم بیتگ مئی جار

مئی نام و مئی ننگپانی کِردار

نه ره بنت انت په مرداں بندگ و دار

نه کُشت و هون ءِ بیت انت بیمیں گواجار

به مـَـلّ ئے تو بلوچ راج پـُـلیں پادار

ترا مهر انت و هم مئی همدلی یار

به زیر بهر ءَ وتی دست و وتی بار

جهان ءَ تو به تـَرّیں روکیں استار

مه بئے دستاں دگر ءِ هچ وهد رهچار

سپاه انت تئی که جهد و زانگ ءِ وار

دل ءِ جوش ءَ بدار و سر بکن سار

جهان مئی نوک ءَ بیت تهنا گوں هـُژیار

بهار ءِ ملپداں واهگ کن انت بال

گوزنت روچ و گوزنت وهد و گوزنت سال

شَموشنت بے وسی ، شِدّت و ڈکـّال

رُدنت پگر ، تاجگیں هم وهد ءِ بُن گال

په راجاں مهر ءَ بیت و دوستی ءِ سِیال

نه بیریں بیر ءَ بیت و نه جَن و چَال

چو دَؤر بیت وشیانی وش گلیں لال

مرادانی کلات بنت پـَؤر و اِستال

بیا جی جی بلوچ بامانی استار

تئی آزاتی روچے انت که بئے سار

به زان ئے دَربَرئے تو دَؤر ءِ کردار

په زانت و زانتکاری بَچّ ات هـُژیار

نه بیت آباتی هچ وهد گوں گِر و دار

په جنگ و توپک و دُژمان و گواجار

چو گوئستگ توپکانی دَؤر و کاٹـار

تئی زانت انت ترا رُژن و ترا یار

ترا مهر هم زباد بوءِ شبینے

په رنگ و راز ءَ سد نازیں جنینے

ترا پُلّ هست تئی جهدانی بَـر چو

کدین آس ءَ نه سبزیت پل نگینے

زبان انت زانتکارانی سپاه چو

زبان ءَ بے نه بئے هچبر کدینے

تئی مات ءِ مزن گنج ، راج ءِ دود انت

اگں ملک مات ترا په دلبرینے

ترا راه ءِ چراگ هست انت شهیداں

تئی جهدکار ءِ جهد ، پلیں مریداں

سلام و لک دروت کل همبلان ءَ

مئی راج ءِ مزار بچان ءِ جوان ءَ