وشّیاں نوش کننت سکّی ءَ گموار نہ بنت۔ سید ھاشمی
گموار نہ بنت
شائر: سید ھاشمی
شائر: سید ھاشمی
وشّیاں نوش کن انت سکّی ءَ گموار نہ بنت
بیلءُ دز بْرادرءُ سنگت گوں کسءَ یار نہ بنت
گْوات گراں بُرزیں کلاتانی بِہ پُرس اِت ھالاں
کہ گَل ءُ وژدلیں باریگ کسی پادار نہ بنت
پَہ دلءِ ریشاں، تئی شَھدیں ھَبر زیمیگ اَنت
چو نزوراں بلے، سگّگ تئی گُپتار نہ بنت
رَند ءِ مرگ ءَ منی تئی نام دپی شرّ نہ اِنت
پمّنی یکّیں سرءَ دل چَـہ گماں بار نَہ بنت
اگاں بیگْواہ بـہ بیت واھگءِ نام امروز ءَ
چَہ دلءَ کاریگیں ٹپّانی نشان گار نَہ بنت
تئی گْوشتن سرءُ چمّان اَنت، بلے چے بِہ کن آں
گونمن دارگ گُلیں ھمبل منی اُپّار نَہ بنت
ھانل ءِ تْرانگ ءَ بے وار کُتگ بسّ کن آں
دیمتر ءَ گال منی ھمرِد ءُ کتّار نَہ بنت