پربند ۔ دومی توار۔ اکبر بارکزئی
واجہ اکبر بارکزئی
(November 1975)
“دومی توار”
منّا من تو زوراکئے
مست و سیر و گْروناکئے
من ھچّےیاں تو سردار
من وار و تو ھستی دار,
قاضی و ملا تئی ہمراہ
من ناشر, کافر گمراہ
راست اِنت مرچی تئی اے جار
تو سرکارئے, من سرگار!
عرضا منی ہم گوش بدار
من مور و ماھیگے نَیاں
من گوک و پس و چاہیگے نَیاں
من انسان ئے پُشت پَداں!
تئی نِباں ہِچبر نوں من شکار
توری تو انگر و آس بِگوار
قدرتئے تئ اِے قانونا
ظلم و زورئے نیمونا
گاہے نہ منّاں من سرکار
بِلّی تو زورئے, من بےوار!