ڈپریشن ءِ نادراھیں۔۔۔ سیمی بھر۔ رجانکار: اکرم ارس
ڈپریشن ءِ نادراھیں مردمانی کمک چون کنگ بیت؟
سیمی بھر
نبشتہ کار: منزہ انوار
رجانک: اکرم ارس
سوشل میڈیا: ڈپریشن ءِ کمی یا گیشی ءِ سبب؟
بی بی سی ءَ ھمے درگت ءَ ڈپریشن ءِ شکاریں بازیں مردماں گوں تران کتگ.
ایشاں تہ ءَ گیشتر ءِ گشگ ھمیش انت زندمان ءِ ھمک روچی ھر پیمیں سرا گوستگیں جنجالانی درشانگ سیت مند انت اے پیم کنگ ءَ بار سُبک بیت.
آئی گشگ ءِ رد ءَ وتی مارشتانی درنگازگ ءَ ھال ءُ ھوالی رسانکدر ءَ گوں اے گپاں گوں بندوک انت تو ھرکسی گوں ما گپ ءَ ئے آ چنچو ھد ءَ تاں سرپد بوھگ ءَ انت ءُ آ چے پسہ دنت، اے گپ الم انت
آ گش ایت ترا ھمے گشگ بیت، اے ڈپریشن ھچے نہ انت درستاں انچو گمان بیت نماز بوان وتی ستک ءَ بہ دار درست وت جوان بنت ءُ اے انچیں نادراھی ءِ ایشی ءِ ھچ الاج نیست ایشی ءِ الاج ءَ واستا داتگیں درمان نشہ کنوکیں درمان انت اے درمان سرجمیں اُمر ءَ کارمرز کنگ کپ انت.
اے ھم گشگ بیت ترا کہ تو بے کار ئے ءُ ڈپریشن ءِ الاج تھنا وتکشی انت
ڈاکٹر مراد خان گش ایت کہ مردماں چشیں ردیں سوج دیگ بیت مردم گپ کنگ ءَ تَرس انت
آئی گشت ڈپریشن یک الاج کنگی نادراھی یے ایشی ءِ زمہ واری تئی سرا نہ انت ایشی ءِ جوانیں الاج ھست انت
آئی دیمتر ءَ گشت ردیں ھبر تالان کنوکاں الم گشگ لوٹاں کہ اگاں کسے ءِ “کیفیت” ھمے پیم بہ بنت ایشی ءِ مانا ایش نہ انت کہ آ پہ زانت کنگ ءَ انت ءُ تب زانتیں ڈاکٹرے ءَ گوں شور ءُ سلاہ کنگ مانا ایش نہ انت کہ آ گنوک انت.
آئی گشت کہ اگاں دومی مردم تئی گپاں گوشدارگ ءَ انت آئی ءَ کَمک رسگ ءَ انت ءُ ھمے گپاں چاگردی رسانکدر ءَ شنگ کنگ سیت مند انت
ڈاکٹر علی ہاشمی ءِ رد ءَ چاگردی رسانکدر ءَ ھمے گپانی شنگ کنگ ءِ مستریں نپ ایش انت ترا گوں ھما مردماں نزیکی بیت کہ آیاں تو ھچ پجا نیارے.
آئی رد ءَ اے پیم کنگ ءَ تو وتی ھیال ءُ مارشتانی تہ ءَ دے ءُ زور بیت کنت ءُ آ مردماں گوں نوکیں نزیکی ھم بیت کنت کہ انچائیں وھد ءَ بوت نہ کنت
آئی دیمتر ءَ گشت اگاں دومی نیمگ ءَ چاگردی رسانکدر ءِ کارمرز تئی زندمان ءَ تیوگ ءَ چاگرد کنگ ءَ انت ءُ تو اسل زندمان ءَ وتی ھاندان ءِ مردمے دوست ءُ سنگتے ءَ گند ءُ نند نہ کنگ ءَ ئے وتی ھیالاں درشان کنگ ءَ نئے اے ڈپریشن ءِ گیش کپگ ءِ سبب بوت کنت……………………………..روان انت