کت مناں رخصتی دانکہ چمان اتے من ہمودا اِتاں
کت مناں رخصتی دانکہ چمان اتے من ہمودا اِتاں
تو گوں زیبائیء ٹہل ءُ دلگران اِتے من ہمودا اِتاں
اچ منی دسترسء چہ گسر کپتء زندے یلیں ساہتاں
تو منارا شموشت شاہءُ شاہان اِتے من ہمودا اِتاں
گوں وتی قسمتءِ لُنجیں کوراسکیء بار دا من وتء
تو کہ دنیائے اوستء پہ ماھکان اتے من ہمودا اِتاں
دیدگاں گو تسلہ مدے سائے کپ گپ بجن گوں مناں
تو پرندوشی کئی لوگءَ مہمان اتے من ہمودا اِتاں
ناں وفائے غمے ناں ھیالءُ سما ناں گلگ داری ئے
زندگی چنچو زیبا او آسان اِتے من ہمودا اِتاں
آہ اوں دنیائیء تو رضا داتگء ہر وڑیں واھگانی تما
راشدے تو دل ءُ دیدگءُ جان اِتے من ہمودا اِتاں
راشد کریمی