مارا گاڈی ءَ شھرءِ نیام ءَ ایر کت۔

چاریں نیما گشے اسپین ءِ بارسلونا ببیت، بلے گشت کنے کہ ابیتکیں بارسلونا۔

نہ دوکانے، نہ رش ءُ کش ایندگہ مزنیں شھرانی پیما نہ انت، گشے مارکیٹ ءُ نیادیانی نہ بوگ ءَ چاریں کنُڈ ھوادگ کتگ انت۔

بلے مردم مئے ھاترا شوک اتاں،

کیوبا انوگیں دوراں مکس آبادی ئیں ، ترا افریکین نسل، یوریپین نسل ءُ دگے نیامجین ءِ مھلونک گندگ کیت کہ نا سیاہ اں نہ اسپیت پوست انت۔

بلے چو مصری ءُ فلسطینی ءَ نی پیما مود ایش ڈُنڈور انت پوستے چو مئے پیما سبز انت۔

جنین ءَ نی پوشاک چو یورپی مھلونکے پیما انت، مرچاں گیشتر ٹائٹ ءُ شرٹ انت۔

من یک چیزے مارت کہ ہندی مردمانی ءُ ٹورسٹانی فرق ایش انت کہ ٹورسٹ سک تیز گام جنان انت وھدے کہ ہندی مردم سبک رواج انت انچو گشے اچ کارے مبیت۔

ما مزن مزنے ماڈیانی دمکاں کہ اسپینی آں بستگ انت ناھاری کنگے ھاترا ریستوران ئے در گیجگے ھاترا ویل اتاں کہ اناگا مئے گوشاں ڈھل یا تو گشت کنے کہ بینڈ باجائے توار کپت۔

ما دیم ہما دیما دات،

نزیک ءَ سر بوتاں داں بینڈ والاہاں ڈھیل ءُ باجا جنگا آں لہتیں مردم انت سالسہ ءِ وڈیں ناچ کنگا انت، لھتین ءَ وتی پاد ءَ نا بُرزیں بمبو بستگ ناچا ءَ انت،

ما کمو ساعت ئے ھاترا ہمدا مہتل بوتاں۔

بلے گُشن گیش بوگا ات، چم گشے سیاہی آرگا اتاں۔

ما پدا ریستورانے در گیجگ ءَ در اتکاں کہ نھاری بکن آں پدا بیتراں۔

ہمیں دمکاں کہ ما وھیل اتاں ءُ مئے آے دیم آ دیم اسپینشن دورے مزنے ڈولداریں بلے ابیتکیں ماڈی اتاں چرچ اتاں کہ گیشتر بند اتاں موتک آرگا اتاں،

ہمیشانی کشاں کہ ما روان اتاں ما دیست یک مزنے ماڈی ئے دیم ءَ سہ بُت جنوک انت۔

اولی ءِ چیرا نام نبشتہ ات Luis Vaz De Camóes Poeta Portugués جہل ءَ آئی ودی بوگ ئے ءُ مِرگ ئے سال، 1524 داں 1580 نبشتہ ات۔

نچو گشاں وتی دوراں سکیں مزنیں پرتگیزی شاعرے بوتگ چوں کہ شیکسپئر ، ھومر ، ملٹن وینڈول بوتگ انت۔

دوہمی بُت شیکسپئر جندے گت،

سہمی میگوئل ات کہ مک ات،

ایں سہیں بُتاں دنیائے ادب جسکینتگ، مرچی کیوبائے ابیتکیں دمکاں مک اتاں۔

من ہمیشانی بُتاں چارگا مشکول اتو کہ گوروو ءُ جیسز دیما لگوکیں زردیں چتر ئے چیر ءَ اِیر دات۔

چتر ءِ رنگے پیما شوکیں کہنیں ماڈئیں کش ءَ مک ات کہ نیم ءَ آھائی رنگ اوں زرد ات۔

آئی کش ءَ دگے ماڈی ئے شونزیں رنگ جتگ ات، اے لین ءَ درسیں ماڈی رنگ برنگ اتاں ءُ ہما جاگہاں کہ دمک ھلاص بوگا ات باریں پرتگیزی، اسپینش یا برطانوی ٹوپ اتاں کہ دمک ئے بند کنگے ھاترا نیم ءَ زمین ءَ کل اتاں مک اتاں

دمک تیوگ ءَ گوں سنگ آں جوڈ کنگ بوتگ ات ھو انچو زانگ بوگا ات کہ اے اوں ہما دوراں اسپین ءِ واجکاراں وتی دوراں ھڈ کتگ انت۔

من دلا جیڑگا اتو کہ اے دمک وتی دوراں چینکس ڈولدار بوتگ انت، ءُ ایشانی بندوکاں بہہ دلا نیارتگ کہ یک روچے آ پدا وتی ملک ءَ تاچینگ بنت۔

قبصہ گیر بہہ برجا نہ مانیت روچے نہ روچے گلینگ بیت۔

روان انت۔