کیوبا (اسپینش کوبا) ءَ ما چے دیست۔سیمی بھر۔ انجنئیر التاپ بلوچ
کیوبا (اسپینش کوبا) ءَ ما چے دیست۔
سیمی بھر۔
انجنئیر التاپ بلوچ
انجنئیر التاپ بلوچ
ما چہ ہوٹل ءَ ورگے ھاترا در اتکاں ۔
مئے ھوٹل ءِ دیم ءَ بازیں مردمے پلاسٹک ءُ گُدئے بیگ ایش دستا ات لین ءَ اوشتاتگ اتاں،
من گوروہ جست کت کہ زنے چے بہر بوگا کہ مردم اوشتاتگ انت؟
“سرکاری کنٹرول ریٹ ئے دکانے مردم وردنی چیزانی زورگے ھاترا اوشتاتگ انت”۔
اے منی ھاترا نوکیں چیزے ات، کہ اینکس مردم کہ ایشانی تہا پیر ءُ کماش، جنین ءُ چک دُرس ھواراں ودار کنگا انت کہ کدی آھانی باری بیت ءُ آ پہ وت وردنی چیز بزور انت۔
تہاریں دمکاں جنان پروشان ما وت ءَ ریستورانے سر کت کہ کیوبن ساز لگوک ات مردم نشتگ ورگ، بئیر ءُ رم (شرابے تہر) ورگا اتاں۔
گیشتر چو ٹورسٹے پیما اتاں، بلے ہندی مردم ھم است ات۔
مارا کرسی ءُ ٹیبل ئے رست۔
دیر نہ گوست ویٹر اتک مینوہے مئے دیما ایر کت وت شت ایندگہ ٹیبلانی نیمگا۔
گوورہ پیسرا ھم اتکگ ات ما وتی مینو ہم ہمائی دیم ایر کتاں کہ تو وت آرڈر دے۔
ہندوستانی ہندو گوگ ئے گوشت نہ وَرنت ءُ کیوبا ءِ وشتریں وّراک چہ گوک ءِ گوشت ءَ بندات بنت، پدا ھُک ئے ءُ مُرگے گوشت کیت
ایندگہ وراک برنج ءُ سبزی انت۔
آئی وتی ھاترا مُرگ ءِ بار بی کیو وڈیں چیزے ءُ مئے ھاترا گوک ءِ اسٹیک آرڈر کُت۔
بئیر ءِ بدل ءَ اے بری موہیتو Mojito ئے ھم آڈرے کت کہ کیوبن رم ءَ چہ جوڈ بیت پودینا ءِ تاکے مان، ءُ سک نامدار ءُ وش انت۔
چونا گشنت کہ اے تیوگیں ہند ءِ غلامی ءِ سوب یکیں ہمیں وا “رم” انت۔
ورگ آرڈر بوتگ اتاں بلے
منی مگز ءَ ہوٹلے دیما لین ءَ اوشتاتگیں مردم اتاں کہ اِچ در آھگا نہ ات انت چَکروک ورگا اتاں، اسلہ منا باور بوگا نہ ات اینکس جہد ءُ کرابانیانی دیگ ءَ پد ھم مہلونک چو بزگ بوت کنت۔
من گوروہ جُست کت کہ گڑا کیوبا ءِ انکلاب کج انت؟
منا روک روک چارتے,
“چے مطلب انکلاب کج انت، ایش انت تئی دیما انت”
اے انکلاب انت؟ ھمشی ھاترا اینکس جنگ ءُ چوپ بوتگ مُردماں وتی جان ندر کتگ؟
من پدا جست کت.
او دگے چون ببیت، امریکہ تاچینتگ بلے بد بختی کہ روس پروشتگ۔
گڑا اسپین؟ من پدا جست کُت
راج دپتر گشیت کہ لیتن امریکی ملکانی گیشتر آبادی سنہ 1400 ءَ پد اسپین ءَ چہ اتگیں دری مردم انت کہ واجہ کرسٹوپر کولمبس آورتگ آباد کتگ انت یا افریکہ ءَ چہ زور بندیگ کنگ ءُ آورتگیں غلام انت۔
زمین زادگ یا وا کولمبس زیاں کُشتگ چُک چین کتگ انت یا بزگ تُرس ءَ دلترک بوتگ ھلاص انت،
تہنا کیوبا ءَ نہ بلکہ درسے کش ءُ کرے زروان ہمیں پیم چُک چین کنگ بوتگ انت،
غلام چہ ویسٹ اپریکہ ءَ بندیگ کتگ زور آورتگ ھمے زرواناں بیگار گپتگ شکرکانڈیل، کافی، سگریٹ ءِ تاک کشتگ۔
کیوبا ءِ سگار ءُ رم تیوگیں دنیا ءَ گران نیاد ءُ نامدار انت۔
بلے انچو گشاں کہ گیشتر زروان پہ شکرکانڈیل ءِ کشت ءُ کشاری ءَ کارمرز بوتگ انت،
شکرکانڈیل ءَ پدا شراب بزاں رم ھڈ کنگ بوتگ ءُ انگت بوگا انت۔
بندات ءَ ہندی مردماں دری مردم نیشتگ انت پدا ہندی مردم کارے ھاترا جان بڈ ھم بوتگ انت ہمیں ھاترا یا کشگ بوتگ انت یا جنگالانی تہا نادراہیاں کشتگ انت کہ نوکیں مردمانا گون بوتگ انت۔
کیوبا چہ امریکہ ءَ سک دور نہ انت، زرے تہا زروانے، اٹلانٹک زر، یک نیمگے، پانامہ دوہمی نیمگا ہیٹی ءُ کیریبن ءِ ہواری سی ءَ گیش کسان کسانے زروانانی ہمساھگ انت، آبادی ءِ کساس دُرسے Island اں چہ گیشتر انت کیوبا ءّ گڑا دوہمی مستریں آبادی ہیٹی انت، ہیٹی ءُ ڈی آر بزاں ڈومینک ریپبلک دو جتا جتاہے ملک انت کہ یکیں زروانے (Island) ءِ تہا انت۔
دیر نہ گوست مئے ورگ مئے ٹیبلے سرا ایر اتاں ما گوں وش تامیں ورگاں مشکول بوتاں کہ گوں ساز ءَ گیشتر تامدار اتاں۔۔۔
روان انت۔