ھدامرزی مبارک کازی ءِ نام ءَ. مولانا یوسپ انیس (کلّانی)
ھدامرزی مبارک کازی ءِ نام ءَ
گال ءُ دستونکانی اھدے بیت پدی
پہ گدارے بیت چو کازی ءَ ودی
راج ءِ گویاکیں زبانے بے توار
آ کہ ترمپ ئِے گونڈلیں گورت اَنت دْردی
شائر ءُ شیدایے بیاراں چہ کجا؟
سال ءُ ماہ پُشتیگ بنت، کرن ءُ سدی
ٹیٹل ءُ سَروان ئِے ساڑات اَنت مدام
ھکل ئِے زِبر اَت پہ ھون واریں لدی
زید ءُ زرگور پہ گَلے نازینت اِت اَنت
سیرکگیں گیابان ءُ ھار ملیں ندی
مادنے رَست ئِے پہ ڈیھ ءِ پُسّگاں
ریٹوئیں ھوناں گوں تچک ءُ گنبدی
پہ وتن مولانگیں کازی نہ منت
گال ئِے مان اَنت داں ابد پہ سرپدی
مولانا یوسپ انیس (کلّانی)
16 ستمبر2023