ھمے کہ گون کپ ئے تو کدی کدی سفر ءَ
دستونک
عاصم زہیر
ھمے کہ گون کپ ئے تو کدی کدی سفر ءَ
عاصم زہیر
ھمے کہ گون کپ ئے تو کدی کدی سفر ءَ
رجیت رنگ وتارا مئے زندگی سفر ءَ
کجام دوچیں ھیالانی موسم ءَ چارئے
نہ واب دیست کنت مردم نہ آگہی سفر ءَ
ھمنچو گنج اِنت تئ جند گوں تو ھمراہ اِنت
اِدا نزانت بلئے کسّے ھوں سنگتی سفر ءَ
من رپتگاں داں وتی گْرنچ گون نہ اِنت منا
ھدا نہ کنت چد ءُ وش ھر کسی سفر ءَ
سْرپنت دیما منی تہنا راہ دردانی
عجب درامد اِنت مردم گشئے وتی سفر ءَ
پدا نہ گندئے وتی دیدگانی آتْراپ ءَ
ھمے کہ بوت ادا چہ کسے پدی سفر ءَ
گلگ کتگ منی شہر ءِ کپودراں عاصم
نیارتہ موسم ءَ سوگات اے بری سفر ءَ