بچکندگال ، شائر: گنی ابدال
بچکندگال، شائر: گنی ابدال
ووٹ ءَ کہ بہ کٹّ اِیت ناکو
کار ایت بینگ ءُ شیر ءِ جو
یکّے ءِ نشان شادی اِنت
دومی ءِ نشان اِنت گُولوُ
وپس ایت گوانزگانی چیر ءَ
کنت چو نُنّک ءَ آ گوکو
سپتے کنت سر ءَ ووٹاں پد
بازار ءَ بھا کنت لیمبو
واجہ کنت وتی توسیپ ءَ
پیماز ءِ پدا شنگ اِنت بو
گوشو ءِ مدگ گزّ ءَ اِنت
گار اِنت بزگّیں دنتانو
بیزار اِنت من ءَ چہ ووٹاں
یکّے ءَ کتگ کُکرو کُو
پروش ایت پیتاں ووٹانی
لوگ ءَ چہ در اتکہ واجو
ابدال بیا روئیں گوں شال ءَ
ما تو ھم وریں زردالو