چَہ کازی ءِ شئیر ءَ پد ۔ پیروڈی
چَہ کازی ءِ شئیر ءَ پد ۔ پیروڈی
اکبر ارس
سرجمیں بازارے کُرتگ چیر ءُ سر سرپد نہ بیت
چونڈُک ءُ پیش بُنڈ لوٹیت پہ ھبر سرپد نہ بیت
چِیچک ءُ چُولہ ئِے وارتگ اَمبُڑی ءِ جاگہ ءَ
نیپگی ھُوپ ئِے بلاھیں بُوَر ستر سرپد نہ بیت
بانگ دنتیں بانگواہ ءَ جاہ سِرّینیت من ءَ
اے کروس ءَ تَشّے لگّات پہ تپر سرپد نہ بیت
ناکو ءَ ڈِکّے بلاھیں لُوس ءِ چیر ءَ داتگ اَت
گنجل ءَ گشت داں مشوکءَ است اسر سرپد نہ بیت
اکبرءَ کمو بچار ات زات پاک ءَ واھ اِتگ
ارسؔ ءَ بل اِت اے گنوکے پیریں ٹر سرپد بہ بیت