“زندگی کنت ھمائی ءَ جُست کن”
لچہ: “زندگی کنت ھمائی ءَ جُست کن”
لچہ کار: ( بالاچ گُل )
لچہ کار: ( بالاچ گُل )
ھردیں چماں کپیت ءُ بیگواہ بیت
درد تھنائی ءِ تب ءَ زانتیں
زانت ھر نوبت ءِ گر ءُ دار ءَ
زانت ٹگانی دروگیں بیپار ءَ
زانت ارسانی چم بستار ءَ
زانت دُنیا ءَ مرچا لذتِ نیست!
زانت راستی ءَ ھچ ازت نیست
زانت لاچاری ءِ تب ءُ میل ءَ
کنت نیزگار بس گم ءِ سیل ءَ
جنت چیھال آ دل ءِ میل ءَ
درد ءِ کِسّہ پہ ھبر وش اِنت
سگگ ءَ اِنت ھمائی ءَ جُست کن
ھمبلانی جُتائی ءَ جُست کن
واھشانی تبائی ءَ جُست کن
زندگی کنت ھمائی ءَ جُست کن
زندگی کنت ھمائی ءَ جُست کن