گیدی کسہ ۔ نجومی ءُ بادشاہ پولکار: حمید بلوچ
گیدی کسہ۔ نجومی ءُ بادشاہ
پولکار: حمید بلوچ
پولکار: حمید بلوچ
یک نجومی یے کیت بادشاہ ءِ کِرّءَ ءُ گُشیت یک ھورے پیداک انت، اگاں ھرکس اے آپ ءَ بوارت گنوگ بیت۔
بادشاہ وتی وزیر ءَ گُشیت چو مہ بیت کہ ما اے آپ ءَ بور ایں۔ گڑا ھور بیت کور کُمب پُر بنت ۔ سرجمیں میتگ ھمے آپ ءَ وارت ءُ گنوک بیت ۔ سرجمیں میتگ انچو گنوک بیت کہ وتی جان ءَ پُچ نیل انت۔۔
بادشاہ گوں وتی وزیر ءَ در کپیت دیم پہ میتگ ءَ گندیت پوہ مھلوک چش انت ۔ وزیر ءُ بادشاہ کند انت کہ اے چش انت ۔ ھرکس دپ ءَ کپیت وزیر ءُ بادشاہ گشنت شما چش ات۔
رونت داں ملکانی مردم انت اے بادشاہ ءُ وزیرا گند انت شروع بنت کندگ ءَ گشنت شما چش ات شما زاناں گنوک ات مارا بچار ات ما چونیں شما چش کتگ وتا سھرو ات ۔ برو ات ھچاں کش ات ۔شما واکی گنوک ات۔
بادشاہ ءُ وزیر ھیران بنت کہ گنوک ما ایں یا اش انت کہ چو برھنگ انت۔ بلے گپ چدا نہ بیت۔ وزیر بادشاہ ءَ میتگ ءِ مردم دل سیاہ کن انت ۔
گڈسرا بادشاہ وزیر ءَ گشیت سرجمیں میتگ چش انت من تو دو کس بس وتا سار گشیں ۔ مئے مہلوک مئے فوج دروس دگہ ھساب ءَ انت۔ ۔ بادشاہ ءُ وزیر لاچار بنت ہمے اپ ءَ ورنت گوں ہمیشانی وڈا وتی پچاں کش انت گنوک بنت۔ گڈا نوں سرجمیں مہلوک گشیت نو شمار سار ات۔ پدا سرجمیں مہلوک بادشاہ ءُ وزیر ءِ ازت ءَ کن انت وتی نظام ءَ دیما بر انت۔