(گِلَّڑُک (روس ءِ گیدی آزمانک۔ رجانکار: کریم تھل
(گِلَّڑُک (روس ءِ گیدی آزمانک
رجانکار : کریم بلوچ
است ات یک پیره مرد و یک پیره زالے۔ یک روچے پیره مرد ءَ پیره زال ءَ گوشت:
برو! پیرہ زال شیکن ءَ ٹُک بہ جن ، گوال ءَ ھم جوان بہ چَنڈ، گلیب ءَ ھم تو بہ کَرّ، دَنزاں هم مُچ بکن ،
بچار باریں په یک گِلّڑکیں نانکے ، آرت مُچ ءَ بیت .
پیره زال شت گلیپی هم کَرّ ات ، شیکن ءَ هم ٹـُکّی جت ، گوالی هم جوان تَکینت ،
دَنزی هم مچ کتنت ، دو مُٹ آرت در آتک . آرتانی ترکت و سُرُشت انت ، یک گلڑیں چانگے بیت انت .
روگنانی تها سُهری کت و ،
تاگ ءَ ایری کت تاں سارت بیت .
گلڑک همودان ایر ات و ایرات ،
یگبرے که سُر ات و لیٹ وراں بوت چه تاگ ءَ چارپادگ ءِ سرا و چه اودان ڈگار ءِ سرا لیٹ وراں بوت تاں که دروازگ ءَ رَست ،
سِٹی کت درا ماں ساهگ ءَ ،
چه ساهگ ءَ تاں مهمانجاه ، چه اوداں تاں پیژدر ءَ ، چه پیژدر ءَ تاں سراد ءِ دروازگ ءَ ، و درا و دیمتر ءَ …
لیٹ وران ات گلڑک ، پَنداں بُرّان ات گلڑک . تاں که هرگوشکی دیست :
_ گلڑک اَؤ گِلّڑک ، من ترا وراں !
_ منا مه ور کرگوشکک ، من پتو شئیرے گوئشاں :
مناں گِلڑُک ، من گِلڑک
په من گلیپ اش کَرّتگ
په من گوال اش چَنڈتگ
په من شیکن اش ٹُک جتگ
آرت ءِ دنز اش مچ کتگ
منا گوں شیر اش تَر کُتگ
روگن اش گوں سُهر کتگ تاگ ءِ سراش هم نادینتگ
من چه پیرک ءَ شتاں ،
من چه بلک ءَ شتاں ،
چه ترا هم کرگوشکک
من دیمتر ءَ رواں !
راه ءَ لیٹ وراں و دیما رواں بوت _ تهنا کرگوشک آئیا دیست و بس !
گلڑگ لیٹ وران ات ، گرگ آئیا دیست :
_ گلڑک ، اَو گلڑک ! من ترا وراں !
_ منا مه ور هاکی ئیں گرک ، من پتو شئیرکے جناں :
مناں گِلڑُک ، من گِلڑک
په من گلیپ اش کَرّتگ
په من گوال اش چَنڈتگ
په من شیکن اش ٹُک جتگ
آرت ءِ دنز اش مچ کتگ
منا گوں شیر اش تَر کُتگ
روگن اش گوں سُهر کتگ من اش تاگ ءِ سرا نادینتگ
من چه پیرک ءَ شتاں ،
من چه بلک ءَ شتاں ،
چه کرگوشکک ءَ هم شتاں
چه ترا هم من گرک ،
دیمتر من رواں !
لیٹ وران ءَ دیمترا چه گرک ءَ بیت روان !
لیٹ وران ءَ بیت روان ، دیمتر ءَ مم گوانک جت :
_ گلڑک ، اَؤ گِلڑک ! من ترا وراں !
_ چوٹ دستیں مم ، تو چون منا ورئے ؟
من گِلڑُکاں ، من گِلڑک
په من گلیپ اش کَرّتگ
په من گوال اش چَنڈتگ
په من شیکن اش ٹُک جتگ
آرت ءِ دنز اش مچ کتگ
منا گوں شیر اش تَر کُتگ
روگن اش گوں سُهر کتگ من اش تاگ ءِ سرا نادینتگ
، من چه پیرک ءَ شتاں
، من چه بلک ءَ شتاں
چه کرگوشکک ءَ هم شتاں
من گرک ءَ هم ، نه مَرّتاں
چه ترا هم مم
دیمتر ، من تچاں !
پدا چِدا هم لیٹ وراں
چه مم ءَ بیت دور بیاں !
لیٹ وران ات راهچار
روباه دات توار :
_ گلڑک ، اَو گلڑک !
تو کجا- لیٹ وَرُک ؟
. راهاں کن ئے سَرُک _
، گلڑک ، اَؤ گلڑک _
! پر منا تو شئیرے گوئش
گلڑک شئیراں گوئشت :
مناں گِلڑُک ، من گِلڑک
په من گلیپ اش کَرّتگ
په من گوال اش چَنڈتگ
په من شیکن اش ٹُک جتگ
آرت ءِ دنز اش مچ کتگ
منا شیر ءِ تها اش میسینتگ
روگن اش گوں سُهر کتگ من اش تاگ ءِ سرا نادینتگ
، من چه پیرک ءَ شتاں
، من چه بلک ءَ شتاں
چه کرگوشکک ءَ هم شتاں
من گرک ءَ هم ، نه مَرّتاں
چه مم ءَ هم شتان
چه ترا هم روباه من
من دیمترا تچاں !
روباه گوئشت : _ گلڑک
شئیر انت تئی وَش و نوک
اشکنگ ءَ من هدوک
گوش گران ، نه اشکنوک
گلڑک ، اَو گلڑک
نند پونز ءَ منی سَرُک
شئیر ءَ گوئش دگه بَرُک
پونز ءِ سر- گلڑک
سٹ کت تاں- گِهتِرُک
شئیر ءَ گوئشیت دگه بَرک
سٹی کتگ پونز ءِ سرا
شئیر تاں گوئشیت ، وشتر ءَ
هم وَشتر ءَ هم بُرز تر ءَ
گوئشت روباه که : گلڑگ
منی زبان ءِ نند سَرُک
گڑاں تو وان ئے وَشتِرُک
سٹی کتگ چو گلڑک
روباه ءِ زبان و نُکّ
روباه هما دمان ، آ – وارت
دپ ءَ بندی کرت و جات
