جوانسال بُگٹی، نبشتہ کار: این الپ بلوچ
لبزانکی تھر: مردم زانتی
جوانسال بُگٹی
نبشتہ کار: ایـن الـپ بلوچ
بـلـوچـی شـائـری ءِ مـزن نـامـیـں شـائـر ءُ جـہـد کار واجـہ جـوانـسـال بُـگـٹـی ۱۸۸۵ ءَ نـور مـحـمـد بـگـٹـی ءِ گـس ءَ ڈیـرہ بُـگـٹـی ءَ ”کـٹـہـن“ ءَ ودی بُـوتـگ۔ جـوانـسـال بُـگـٹـی ءِ اسـل نـام مـحـمـد ابـراھـیـم بُـوتـگ بـلـئـے آئـی ءِ شـائـری ءَ آئـی ءِ اے نـام چـیـر داتـگ ءُ ”جـوانـسـال“ سـہـر ءَ کُـتـگ ءُ مـرچـی دراہـیـں دنـیـا آئـی ءَ را جـوانـسـال ءِ نـام ءَ زانـت پـجّـہ کـارایـت ــــ جـوانـسـال بُـگـٹـی یـک ازگاریـں لـوگـے ءَ چَـہ سـیـادی دارایـت ، آئـی ءِ ودی ءَ لـہـتـیـں سـال ءَ پـد آئـی ءِ مـات ءُ پـت ھـردو بـیـران بـنـت ــــــ
جـوانـسـال بـُگـٹـی یـک زانـتـکار ءُ کـواسّـیـں مُـردمـے بـیت ءُ بـلـوچـی زبـان ءِ ہـماوش بـھـتـیـں شـائـراں شُـمـار بـیـت کـہ آھـاں وتـی یـکـیـں زنـد ءَ شـائـری ءِ دو بـاریـگ دیـسـتـگ ءُ ھـر دو بـاریـگاں شـائـری کُـتـگ چـوکـہ جـوانـسـال ءَ بـلـوچـی شـائـری ءِ دومـی دور ءُ سـیـمـی دور ءَ ھـم اسـت بُـوتـگ ءُ شـائـری کُـتـگ آئـی ءِ بـیـرانـی سـال ۱۹۶۵ بـزاں آ بـلـوچـی شـائـری ءِ سـیـمـی دُور ءَ بـیـران بُـوتـگ ــــــ جـوانـسـال بُـگـٹـی ءِ زنـد ءُ شـائـری ءِ سـرا اتـاشـات ءُ گلُـزار ھـان مـری ھـواری ءَ کار کُـتـگ ءُ وانـگی دُروشـم ءَ دیـم ءَ آرتـگ ـــــ اے وانـگـی ءَ ابـیـد دگـہ بـازیـں گـپّ ءُ ھـبـرے آئـی ءِ زنـد ءُ شـائـری ءِ بـابـت ءَ بـلـوچـی لـبـزانـک ءِ تـہ ءَ دسـت نـہ کپ ایـت ءُ اے ھـم یـک بـژنـی ھـبـرے کـہ بــلـوچــــی زبـان ءِ مـزن نـامـیـں شـائـر ءُ لـبـزانـت ءِ زنـد ءُ شـائـری ءِ سـرا کـتـاب نـبـشـتـہ کـنـگ نـہ بُــوتــگ ـــ
جـوانـسـال ءِ شـائـری
تـہ ءَ مـارا نـیـکـراھـی ،اکلاکـی ، چـاگـردی بُـن گـپّ دسـت کـپ انـت ایـشـی ءَ ابـیـد مـارا آئـی ءِ شـائـری ءِ تـہ ءَ مـزن پـگـری ءُ شـاہ پـگـری یـے گـنـدگ ءَ کـیـت انـت چـو کـہ
اشـتہ مُـردمـاں انـسـانـی
مـلکاں ودیـتّہ بـے ایـمـانـی
شـاہـاں زُرتـگ شـیطانـی
تـاں ہـنـد ءَ سـر اتـکـگ خـانـی
کار ءُ گـنـدگـیں ہـیـلانـی
یـک وہـدے آئـی ءَ وتـی درائـیـں پَـس گـوک دلـوت کـشـت ءُ ھـیـرات کـت اِنـت وھـدے آئـی ءَ را جُـسـت کـنـگ بُـوت کـہ چـو پرچـیـا؟
کُـتـگ گـڑاں آئی ءَ پـسـو دنـت کـہ دنـیـا ءِ تـہ ءَ مـہـر ءُ دوسـتـی ھـلاس بُـوتـگ مـرچـی مـن آھـانـی پـرس ءَ دارگ ءَ آں اے درگـت ءَ آئـی ءَ نـبـشـتـگ کـہ
چـّمـاں دیـتغـاں بـازیـں رنـگ
وخـتـے حـیـران وخـتـے جـنـگ
وخـتـے پہ گل ءُ وخـتـے تـنـگ
وخـتـے پـادان ءُ وخـتـے لـنـگ
بـلـوچـی شـائری ءِ دومـی دور ءِ شـائـری ءِ تـہ ءَ گـیــش ( تـجـربـہ) کـنـگ نـہ بُـوتـگ درائـیـں شـئـیـرانـی دروشـم ھـمـا کلاسـیـکل شـئـیـرانـی بُـوتـگ انـت بـلـئـے جـوانـسـال ءَ وتـی شـئـیـرانـی تـہ ءَ تـجـرت کُـتـگ ءُ جـوان نـبـشـتـہ کُـتـگ بـیـا دلـگـوش کـنـیـں آئـی ءَ مـزن بـحـریـں شـئیـرانـی گـومـا لکـیں بـحـرانـی ھـم تـجـربـت کُـتـگ ءُ نـبـشـتـگ کـہ
رُنـگـیـں بـادشـاہ
مـاریـں تـئـی نـگاہ
گـشگاں مـداح
سـائـیـن ءِ شـاح
جـوانـسـال بُـگـٹـی ءِ شـائـری ءِ تـہ ءَ روانـی ، سـرگـوسـتـانـی جـہـلانـکـی ءُ دل پـہکـی ءَ ابـیـد زنـد ءِ ھـمـروچـیـگـیـں کارمـرز بـووکـیـں زبـان ءِ کارمـردی کـنـگ بُـوتـگ ءُ اے آئـی ءِ شـائـری ءِ کـمـال انـت کـہ بُـگـٹـی گالـوار ءِ کارمـرزی ءَ ابـیـد آئـی ءَ بـلـوچـسـتـان ءِ اے دگـہ دراہـیـں گالـوارانـی تـہ ءَ اوں شـائـری کُـتـگ بـزاں آ چَــہ بـــلـــوچـــســـتـان ءِ دراہـیـں گالـواراں پـوہ ءُ سـرپـد بُـوتـگ