امام آزادءِ دستونک
دستونک
امام آزاد
پہ ابدمانیں دریگاں چلگے آوار جنت
موسمانی کیدا درکیت زندگی سیاہ مار جنت
من ترا را کاگدے کرتگ تو بال ءَ سَھی نئے
ھو ھما اِنت آزمان انت، گرند جنت ٹاپار جنت
شیشگانی پیمءَ گندگ ھچ نہ بیت چم کوری ءَ
درد ھمیش انت کیسگے ءَ درتگیں کلدار جنت
اشکتگ من درد دیوالاں پتاہئیت وت مریت
لوڈیےءِ توکءَ پریاں منگلیگے توار جنت
بیگاہ ءِ روزرد زوریت اکسے ءَ پیوند کنت
جمبراں استال گندنت، رولھے کوکار جنت