راشد کریمی ءِ سے دستونک۔ ندر پہ باسک ءِ وانوکاں
دستونک 1
راشد کریمی
پیشانی ءَ داں داگ نہ دیست ءِ اِبادت ءِ
راشد کریمی
پیشانی ءَ داں داگ نہ دیست ءِ اِبادت ءِ
کسّ ءَ نہ ونت، نمازے جنازہ اے میّت ءِ
ھردیں کہ گندی کندیت منا نَزّ کاں دیدگاں
آدت منارا دوست نہ بئیگءَ آں سنگت ءِ
مُپت ءَ گوں ارساں آپ من داتگ داں مُدّتے
اے باگ ءَ کسّ ءَ توم نہ کِشتگ مھبت ءِ
اے باگ ءَ کسّ ءَ توم نہ کِشتگ مھبت ءِ
بے چاڑ بیتگ ءِ تو دمانے تہ سائے تُش
پورا من دیستگاں دُرھیں آسار کیامت ءِ
پورا من دیستگاں دُرھیں آسار کیامت ءِ
یَکّیں اُمیت ءَ ،بلکیں پدءَ ساھے مان بیت
الحمد ونت ءَ دَم کُتگ زیبائی ءَ بُت ءِ
الحمد ونت ءَ دَم کُتگ زیبائی ءَ بُت ءِ
من گوں ترا مدام ھمے یکّیں گپ جتَگ
راشد کریمی ءَ کہ نہ مَنّے اِجازت ءِ
٭٭٭٭
دستونک 2
راشد کریمی
دستونک 2
راشد کریمی
اے ستارہ آزمان ءِ چادر ءَ بَست ءَ ، ھتم
زندگی پہ مھروانیں نیادی ءَ گوست ءَ، ھتم
تو کُتگ ھرچے وت ءَ پہ، من ترارا بَکشِتہ
تو منا کہ گِریت ءُ امبازاں وتی زُرت ءَ، ھتم
نوں سِپائی تَتکگیں مردے سزا ءَ سرپد اِنت
تو شکست وارتگ کہ جنگ ءَ نوں برو پُشت ءَ، ھتم
شوکیں چَمّ ءُ پونز ءُ بُرواناں تئی سجدہ کناں
ابرم ءِ زیبائی وھدے مئے دل ءَ کپت ءَ، ھتم
مھبت ءِ کِسّہ بئے اَنت گوں مھروانیں مردماں
کسّے ءِ موجیں دل ءَ پہ کَسّے ءَ کَشت ءَ، ھتم
پرچی ءَ چو چیر دئے راشد تو سِلّیں آدتاں
من ترا کہ مردمی ھمراھی ءَ دیست ءَ، ھتم
٭٭٭٭٭
دستونک 3
راشد کریمی
دستونک 3
راشد کریمی
اے ھَلک ءَ مھلبیں عطر ءُ زباد ءُ بو ءُ دُن ءَ
اے درستاں جنگ کُتگ پہ وتی وتی وتن ءَ
ما ھردو باگی اِیں ھردو نِشانگ ءَ ایر اِنت
ترا زمینّ ءَ جتگ ءُ مناں جتَگ نگن ءَ
ھمے دمان ءَ من پیشانی ءَ تئی بوسہ دات
منا گوں مھر کُتگ سرجم ءَ تئی بدن ءَ
ترا ما تیوگیں زند ءِ مراد بکشاتاں
گریبی اَت تئی راشد بلے دل ءَ مزن ءَ