ڈاکٹر رحیم مہر ءِ پربند: ساز بیت اے دل تہ آوازے رُدایت
سالءِ اولی دستونک
شائر: ڈاکٹر رحیم مہر
شائر: ڈاکٹر رحیم مہر
ساز بیت اے دل تہ آوازے رُدایت
زندگیءِ نوکتریں رازے رُدایت
مانپوش ایت دیدگاں تہنائی یے
دُوری ءِ گم انچیں اندازے رُدایت
ما وتءَ پھریزاِتگ ھرچُنت بلئے
جی گناہ پولنگےءَ سازے رُدایت
شاہ، کشّان اِنت دلءِ مئے سرتلءَ
تئی زھیر چو کَورےءِ دازے رُدایت
یل کنئے کہ ازمءِ شاگیں گوانزگءَ
شعرءِ نامءَ ھشکیں بس وازے رُدایت
اوست زبہریں دل دوبر بودیگ بیت
دیدگاں تئی دیدءِ شوھازے رُدایت
شال 12 جنوری