ھو! بزور زُرت کن ئے میر ءِ رنگاں۔ گُل محمد وفا
دستونک
شائر: گُل محمد وفا
ھو! بزور زُرت کن ئے میر ءِ رنگاں
بلے مہ شموش پکیر ءِ رنگاں
پوشاں ، پوشاں وتی ارواہ ءِ
من تئی کوْھنیں زھیر ءِ رنگاں
جی پدءَ گْوانک جتگ چاھی یاں
بیا دیئنت سبزیں کھیر ءِ رنگاں
کاگد ءُ پُلّ ءُ کفن یا بچکند
درست چہ مادر ءِ شیر ءِ رنگاں
پہ تئی واستہ پد ءَ ریچاناں
من وتی دست ءِ لکیر ءِ رنگاں
بیا وفا کپتگ تئی درگاہ ءَ
ھچ نہ رَوت داں تونہ زیرئےرنگاں