برے مئے چمّاں کُدینیت برے دلءَ سوچیت
گال ۔۔ 2023 ءِ اولی پِربند ۔۔ 16/01/2023
وھاب شوھاز
برے مئے چمّاں کُدینیت برے دلءَ سوچیت
اِے برپیں تبد ، زمستانءَ ساھگءَ سوچیت
جہانءِ لُنج ستر کہر ءُ بیمناک بہ بیت
تہارماہیں شپ ءَ کئے وتی گِسءَ سوچیت
شپانی سردیں تبءَ را پہ دست مانداریت
چراگءِ آسءَ وتی جندءِ لنککءَ سوچیت
آ موسمءَ را گوں برپاں مُشیت رو زرد ءَ
پہ آپ روچءَ کُشیت سربتگ وتءَ سوچیت
سُچیت اِنت ھلک مرادانی کینگءِ آس ءَ
شگانءِ اِشکرے مہرانی میتگءَ سوچیت
نہ ماہکانے ، چراگے ، نہ شہمیت استالے
بلئے بہ چار دلے روک بیت شپءَ سوچیت
گوں آسءَ لئیب کنئے، چے گِلگ پدا شوھاز
کہ آسءِ کار ہمیش اِنت اِے الّمءَ سوچیت