دستونک
شائر: آھوگ گُل

ھچ نہ جلّ ئے منی اوستانی جلیں براہ ءَ روئے
تو ھما واب کہ سر دؤر دئے سرجاہ ءَ روئے

بل کہ تو سُتکگیں دار ءِ تئی سیاھچک ثمر
تو مئے سوداگریں بازار ءَ چو نگراہ ءَ روئے

مرچی من ہر دوکیں جاھاں سرا بنداں تئیگ ءَ
سرگرئے دیدگ ءِ کِشک ءَ یا دل ءِ راہ ءَ روئے

تو چو انسان ءُ پس ءَ روچ وتی لاپ ءِ گُلام
شگرب ءَ گژن چرے مگرب ءَ بنجاہ ءَ روئے

پمّـن ھر سُھب چی ءَ بے نـپیں پـنداں بـُرّئے
وت تو بیگاہ ءَ رس ئے ءُ پدءَ بیگاہ ءَ روئے

گُل تئی دیدگ ءِ دیر شانکی ءِ اُمیت ھلاس
دمبرئے داں تو وتی چُنڈوکیں پیشگاہ ءَ روئے