منی مردم زندگ مان اَنت، لیلہ ھالد ءِ سر گْوست (دومی بھر)
منی مردم زندگ مان اَنت، لیلہ ھالد ءِ سر گْوست (دومی بھر)
رجانکار: سرباز وپا
گھگیری، ایردستانی گھگیری کہ برتانوی زورگر ءِ پہ یھودی ءُ ارب کوھنگ دوستانی کُمکءَ پلستینانی ایردستی ءِ جُھد کنگ ءِ گِر ءُ دار ءَ بوتگ۔ 1936 ءُ 1939 ءِ درمیانءَ پلستین ءِ سرءَ یھودیانی زورگری برجاہ بوتگ۔ گْوَستانک نبیس، ایشیءَ 1946 ءُ 1948 ءِ درمیان ءِ گپّے لیک اَنت۔ 1934 ءَ دِھکانانی ھرتال چہ اپریل ءَ داں اکتوبر ءَ برجاہ بیت۔ آئی مول ءُ مراد ھمے بوتگ کہ پہ پلستین ءُ ارب ءِ پجّار ءِ مُھکم کنگ ءَ راجمستری واک ءِ برجاہ دارگ ءِ کوشست کنگ بہ بیت ءُ ھمے وڑءَ چَہ پلستینءَ یھودی باھوٹی ءُ برتانویءِ کمکاریں مردم ڈنّءَ کُشگ بہ بنت۔ آسرءَ ھما بوتگ کہ زورگر ءَ لوٹ اِتگ۔
رائل کمیشن 1937 ءَ برجاہ بوتگ ءُ آئی ءَ پلستین ءِ بھر ءُ بانگ کنگ ءِ شوربندی پیش کرتگ۔ پہ پلستین ءِ دیمپانی ءَ یک کمیٹی یے کہ آئی ءِ سروکی ءَ شاہ اَبدُاللہ ءُ برتانوی کنگ ءَ بوتگ اَنت، آیاں شوربندی منّ اِتگ۔ آشوبی زْرمبشت ھمے وڑءَ زورمند بوتگ بلے ھما پلستینی راجدروھانی دستءَ بیت کہ آئی ءِ سروکی ءَ اَرب سرکار ءِ واکدار ءُ برتانوی یھودی لشکر ءِ لیبی کنگءَ بوتگ اَنت۔ اے زْرمبشت ءَ پروش وارتگ کہ کسم شھید بوتگ۔ چَہ ایشی ءَ ارداہ گیش مُھکم بوتگ کہ اِے ھند ءَ آشوب توانمند بیت۔ بلے پلستین ءَ اے وھد ءَ دُژمِن ءَ آشوب ءِ روچ بیگاہ کرتگ اَنت ءُ کسم ءِ کرد ڈوبار اِتگ۔
پلستین ءِ آجوئی ءِ پاپولو پرنٹ کسم ءِ شھیدی ءَ پد اتکگ اَت۔آئی ءِ پدریچ ءَ آشوب ءِ بندات ءُ منی پدریچ آشوب ءَ سرجم کنت۔ من 1936 ءَ اے دردناکیں کسہ گیشتر کتابانی تہ ءَ ونتگ اَنت۔ بلے من چہ وتی زاتی دربرتگینانی رِدءَ 1948 ءَ وتی مردمانی زندمان ءِ سکیاں سرپد آں۔ من 13 اپریل 1948 ءَ وتی چارمی بوتن ءِ سالروچ ءِ بس چار روچاں پد چہ ھیپا ءَ درکپتگاں۔ منی سالروچ ءَ شاتکامی نہ بوتگ کہ 9 اپریل ءَ پلستین ءَ پُرس ءِ روچ بوتگ۔ نوں منی اُمر 29 سال اِنت۔ من داں مرچی ءَ وتی بوتن ءِ روچ ءَ شاتکامی نہ کرتگ ءُ نیکہ داں اے روچ ءَ انگت ءَ دار آں دانکہ من ھیپاءَ نہ شتگاں۔ من ھیپا ءَ چہ وتی واھشتءَ یل نہ داتگ،اے سْوڑگ منی کھولءَ نہ کرتگ بلکیں ھما مردماں کرتگ کہ منی بْراتانی چکچینی ءَ کمکار بوتگ اَنت۔
منی کھول ءَ گوں یھودیانی ھمساھگی ءَ جْوانیں سْیادی یے بوتگ۔ ما سٹین ٹون سٹریٹ ءَ بوتگ اِیں کہ آ چَہ یھودیانی مھترءِ کوٹیءَ باز نزیک بوتگ، اے ھند ھیپا ءِ پیشن ایبل ءِ پنچمی ایو نیو ءَ ھوار بوتگ۔ منی گوں یھودیانی زھگاں پجاروکی بوتگ، منی درساں شرتریں دزگھار تمارایھو دن بوتگ، بلے اے وھدءَ مئے میانءَ ھچ وڑیں نزیکی نیست۔ منی تمارا ءِ دزگوھاری ءِ ھلاسی ءُ دوری 29 نومبر 1947 ءَ بوتگ، وھدے اکوام متھدہ ءَ پلستین بھر ءُ بانگ کرتگ منءَ ءُ تَمارا ءَ جتا کرتگ۔
تَمارا ءِ بھر ءَ 56 درسد ھند آتکگ ( وھدے یھودیاں وتی کَچ ءِ ردءَ ھشت درسد ءِ لوٹ کرتگ اَت) منی سرءَ ھمے اُوست بوتگ کہ من ھمے لوٹءَ منّاں ءُ تَمارا ءِ کُٹم ءَ مراد بات گوش آں۔ من ءَ منی مردمی ءِ نہ منّگ ءُ یھودیانی دودمانی ارزیشت ءِ منّگ ءَ وت ءَ وتی گِس ءُ سرڈگار ءِ سرءَ باھوٹ بیگ گوشگ ءَ اَت۔ میان استمانی یھودی امریکی زورگر ءُ آئی ءِ کمکاراں من ءَ اَرب بیگ ءِ بنیات ءَ پما درانڈیھی زندگی یے بکش اِتگ۔ آیانی لوٹ اَت کہ ما اے گپءَ بہ من ایں ھم کہ مئے منگ بزاں یھودیانی لوٹ ءَ راست لیک ایت ءُ آیانی گیشواھیءَ سرجم کنت ءُ آیانی لڈ ءُ بار کرتگیں مردم اگاں یک رندے پدءَ آباد بِہ بَہ اَنت ، گڑا اے پیم جیڑہ پَہ راھدار گیش ایت۔
اکوام متھدہ ءِ پلستینءِ بھر ءُ بانگ کنگ ءِ شوربندیءِ جارءَ ھمک سے روچءَ ھرتال بوتگ۔ اے ھرتال ھمک وھدءِ بے آسر بوتگ اَنت۔ اَرب ءِ راجی زْرمبشت ھم ھلاس بوتگ اَت۔ چہ آئی ءَ کم منتگ اَت کہ آ ھم مُھکم نہ بوتگ اَنت۔ ھما بُنیادی ادارہ مھکم اَت۔ کارکن ءُ دھکانانی نوکیں گَل انچش مھکمی ءَ کار ءَ نہ بوتگ اَنت کہ راجی آجوئی ءِ گْرانبھائیں کار ءُ مول ءِ لوٹاں پیلو کرت بہ کن اَنت۔ ارب اجب مانگیشتگ اَنت، ارباں یھودی جتگ اَنت۔ یھودی اربانی سر ءَ اُرش کنگ ءَ اِت اَنت۔ بزاں کہ یھودیانی زور مُھکم ءُ تب ءِ وڑءَ اَت، اربانی زور مانگیشتگ اَت ءُ مُھکم نہ اَت۔ یھودیانی گْور ءَ جنگول ءُ سِلاہ ھست اَت۔ سلاہ بندیں لشکر ھست اَت ءُ سسّائی وڑ ءُ پیماں جنگ ءَ شیوار اِت اَنت۔ پمیشکا ارب اچما ھیپا ءِ پُلگ ءَ سوبمَنْد بوت اَنت۔
اربانی کماندار سرجان گلب پاشاءَ اِت کہ آ اُردن ءِ جھمنندے اَت۔ آئی وتی ھیپا ءِ ارجمنٹ ءَ ھیپا ءِ ھالی کنگ ءِ پرمان داتگ کہ اے پرمان برتانودی شوربندی ءِ ردءَ اَت، ھیپا ءِ ھالی بیگ پہ یھودیانی سوبمَنْدی ءِ دیم ءَ یک گامے بوتگ۔ گَل ءِ بیگ ءُ دیمانی ءِ پھمگ ءِ سوبءَ آیاں ھمے زانتگ کہ کمیں وھدءَ جھد ءُ بس مردم ءِ دست کپگ ءَ آ وتی مول ءَ سوبمَنْد بوت کن اَنت۔ ھیپا ءِ ھشتاد ھزار اَربءَ وتی جان ءِ سلامتی لوٹ اِتگ ءُ شھر یل داتگ۔ اے درکپگ 9 اپریلءَ بزاں منی بوتن ءِ روچءَ بندات بوتگ۔ یھودیاں دیر یاسین ءِ مردم ناھک ءَ کشتگ اَنت۔ اے ھما ناھکیں میارباری بوتگ کہ آئیءَ یھودیانی زوراکی پدر کرتگ ءُ اَرب نادرس کرتگ ءُ پہ شھر ءِ یل کنگءَ لاچار کرتگ اَنت۔
برجاہ اِنت۔۔۔۔۔۔۔۔۔۔