جَنین ءِ بارَوا گیدی کِسّهـے۔ رجانکار: ادبی ھکیم
جَنین ءِ بارَوا گیدی کِسّهـے
رجانکار : ادبی هکیم
گوَش اَنت زَمانگاں بادشاهے هست اَت کہ راج ءَ وتی بادشاه سَک دوست اَت هَمک سال راج ءَ وتی بادشاه ءِ پیداگ بیَگ ءِ سالروچ ءَ مَزنیں جَژنے گپت ءُ شادهی کرت ماں آ روچ هَرچکس ءَ یک ٹیکی یـے بادشاه ءَ آورت ءُ دات میدے (ماهیگیرے) هست اَت کہ نیزگاریں مردے اَت یک روچے کسانکیں وشرَنگ ءُ براهداریں ماهیگے ماں مید ءِ دام ءَ آتک ءُ کپت مید ءِ چمّ کہ پہ اِے ماهیگ ءَ کپت اَنت۔ ماں وتی دل ءَ گوَشت ئِے اِے ماهیگ لاهِک اِنت کہ ماں بادشاه ءِ لوگ ءَ ایر بہ بیت هَمے داب ءَ بادشاه ءِ پیداگ بیَگ ءِ سالروچ نزّیک اِنت من ءَ زَرّے نیست اِنت کہ پہ پادشاه ءَ ٹیکی یـے بہ گِرآں گڑا هَمے ماهیگ ءَ بَران ءُ بادشاه ءَ ٹیکی دی آں مید ءَ کاسَگے چہ دریاءِ آپاں پُرّ کرت ءُ ماهیگ کاسگ ءِ توک ءَ یلہ دات سالروچ ءِ جَژن ءَ مید ءَ کاسَگ زرت ءُ بادشاه ءِ دیوان ءَ شُت اودا راج ءِ مهلوُک پہ ٹیکی ءِ دیَگ ءُ مراد بات ءِ گوَشگ ءَ سَپ ءَ اوشاتگ اِت اَنت۔
مید هَم سَپ ءَ شت ءُ اوشتاد وَهدے کہ مید ءِ باریگ آتک مید ءَ ماهیگ ءِ کاسَگ بادشاه ءِ دست ءَ دات ءُ سالروچ ءِ مراد بات گوَشت بادشاه ءَ کاسگ ءِ ماهیگ چاراِت وشهال بوُت ءُ گوَشت مید تو باز زیبدار ءُ وشّرنگیں ماهیگے پہ من آورتگ بادشاه ءَ وتی هَزانَگدار ءَ هُکم دات برو هزار دینار چہ هزانگ ءَ بیار ءُ مید ءَ بہ دئے هَزانگدار هزانَگ ءِ نیمَگ ءَ شت بادشاه ءِ لوگبانک کہ بادشاه ءِ کش ءَ نشتگ اَت بادشاه ءِ سر ءَ زَهر گپت ءُ گوَشت مید ءَ پہ اِے ماهیگک کہ ورَگ نہ بیت هزار دینار مہ دئے دگرے پہ تو شرتریں چیزے کارایت گڑا آهم چہ تو دلمانَگ بیت بادشاه ءَ گوَشت جنین تو بَس کن نوں من هکم داتگ منی هکم هِچّ پَیم ءَ پروشگ نہ بیت جنین ءَ گوشت ترا کار نیست بلئے من مید ءَ نَیل آں کہ هزار دینار ءَ بہ بارت هَزانگ دار ءَ هزار دینار ءِ توُرَگ آورت ءُ مید ءِ دست ءَ دات مید باز وشهال بوُت بلئے بادشاه ءِ جنین ءَ جار جت ءُ گوشت
مید من ترا جستے کن آں اگاں تو منی جست ءِ پسو شَرّ دات گڑا هزار دینار ءَ بہ بَر مید ءَ پسّو دات جُست بہ کن بانُک : جَنین ءَ جست کرت اِے ماهیگ نَرینے یاں مادَگینے ؟ مید ءَ پسّو دات بانُک ماهیگانی توک ءَ نَر ءُ مادَگ نیست ماهیک وتی نَر ءُ مادَگ وَت اَنت بادشاه پادآتک چاپ جنَگ ءَ لَگ اِت ءُ گوَشت هزانگدار برو دگے دو هزار دینار بیار ءُ مید ءِ دست ءَ بہ دئے شاباش مید مروچی تو باز جوانیں پسّوے دات جنین ءِ دل ءَ گیشتر آس روک بوُت جُشَگ ءَ لگّ اِت گوَشت ئِـے بلئے من نیل آں کہ مید اِے دیناراں وتی لوگ ءَ بہ بارت هَزانَگدار ءَ دگے دو هزار دینار ءِ توُرَگ آورت ءُ مید ءِ دست ءَ دات یک توُرَگے باز کوَهن ءُ ٹُنگ اَت یک دینارے چہ توُرَگ ءِ ٹنگ ءَ دَرآتک ءُ زمینّ ءَ کپت مید ءَ زوُتَکے یکیں دینار چہ زمینّ ءَ چست کرت ءُ ماں وتی کیسّگ ءَ ایر کرت بادشاه ءِ جنین پادآتک مید ءِ سر ءَ زَهر گپت ءُ گوَشت تو هَنچیں بَهیلے ئے کہ یک دینارے پہ کپَگ ءَ نَیل ئے کہ نیزگارے ءِ دست ءَ بہ کپ ایت ما را چُشیں بهیل دوست نہ بنت بیا هزانگدار اِشی ءِ دیناراں پچ گِر ءُ بہ بَر ، مید ءَ گوَشت بانُک اِے دینارانی سر ءَ مئے دوستیں بادشاه ءِ اَکس جتَگ من پمش ءَ چت ءُ کیسگ ءَ کرت کہ یکے مئے بادشاه ءِ اَکس ءَ لَگت مہ کنت بادشاه وشهال بوُت آئی ءَ هکم دات برو دگے دو هزار دینار مید ءَ پہ آئی ءِ ایمانداری ءِ هاتر ءَ بہ دئے بادشاه ءَ گوشت منی یک گپـے گوش بداراِت مروچی ءَ ءُ رَند کـَس جنین ءِ گپ ءَ مہ زوُرایت پرچا کہ جنین ءِ گپ مردین ءَ گیشتِر تاوان بار کن اَنت۔
دلپَهکیں مید ءَ پنچ هزار دینار دست ءَ کپت بلئے یک سوچاکیں سوزمانے جنین ءِ دل ءِ توک ءَ مَنت۔