مصر ءِ سپر۔ اولی بھر۔ انجنئیر الطاف حسین بلوچ
مصر۔۔اولی بھر۔
انجنئیر الطاف حسین بلوچ
دو ھزار ھشت ءِ سال ات، ما تیوگیں پاکستان ءَ وارد ءِ ھاترا مزنیں ٹرانسمیشن ئے پروجیکٹیں ھلاس کتگ ات۔
انجنئیر الطاف حسین بلوچ
دو ھزار ھشت ءِ سال ات، ما تیوگیں پاکستان ءَ وارد ءِ ھاترا مزنیں ٹرانسمیشن ئے پروجیکٹیں ھلاس کتگ ات۔
اے پروجیکثءِ لیڈ انجینیر من اتوں۔
انچو کہ وارد والا پروجیکٹ ھلاس بوت، مئے کمپنی ءَ را پاک ٹیل ءِ مزنیں پروجیکٹیں رست ، بزاں چینی کمپنی زونگ ءَ پاک ٹیل بھا زرتگ ات، ءُ پاک ٹیل ءِ دورءِ لگوکیں وھدی سامان کَشگ ءُ نوک کنگءِ زمہ وری ءِ ڈبہ مئے کمپنی ءَ زرتگ ات۔
وارد ءِ ٹرانسمیشن، Ericsson ءَ جتگ ات، ءُ اسلام آباد ءُ پنجاب ءِ پروجیکٹ ءِ دوراں Ericsson ءِ تھا منی بازیں سنگتے جوڑ بوتگ ات۔ (Ericsson, Huawei, ZTE, Alcatel، Nokia, Semins) درس ٹیلی کام کمپنی انت کہ موبائل کمیونیکیشن ءِ سامان جوڈ کن انت کہ ٹاور ءُ باپشتے ءَ لگوک انت۔
یک روچے منءَ چَہ اسلام آباد ءَ Ericsson والا سنگتے ءَ جست کت کہ تو اگاں در ملک ءَ کار کنگ ءِ ھاترا رَوگ لوٹ ئے گڑا منءَ وتی سی وی ءَ راہ دے، منی کرّءَ یک پوسٹے اتکگ، تئی وڑیں انجینیرے پکار انت ئِے۔
دیر نہ گوست منی سی وی آئی کرا ات۔
دو روچاں پد منءَ UK نمبرے ءَ فون کت، لھتیں بُنکی جست ات انت کہ من جواب داتاں،
منءَ گشت ئِے تئی دیمتری انٹریو گڑا Ericsson مصر ءِ ٹیم کنت ءُ اگاں تو سوبمند بوت ئے تئی ایندگہ کاراں گڑا ما وت ٹھین آں،
منءَ اگاں یات بہ بیت مصر ءِ ٹیم ءَ منی سے ٹیکنیکل انٹریو کُت ءُ درس شر بوت انت۔
کساس ماھے گوست یک روچے ھما یوکے والا مرد ءَ منءَ پدا کال کُت، مبارک بادی ئِے دات گشت ئِے تئ آفر لیٹر من تئی ای میل ءَ راہ داتگ بچارئِے اگاں شر انت گڑا دستخط بہ کن منا دوار گوں وتی پاسپوٹءِ کاپی ءَ راہ ئِے دے۔
من ھال دات کہ منءَ وا پاسپورٹ نیست، آئی منا گشت تو وتی پاسپورٹ ءَ زوت شر کن کہ پاسپورٹ ءَ ابید تو سپر کت نہ کنے۔
اے فون کہ منا اتک من فیلڈ ءَ اتوں، من کار وتی ایندگہ انجینیر ءَ دات انت۔
اتکوں وتی کوٹی ءَ دُرسے کاگد جم کت انت۔
منا یکیں ءَ ھال دات کہ صدر کراچی ءَ جاگہ است مرچاں دُرسے پاسپورٹ ھمودا شر بنت۔
من دُوھمی روچاں وتی دُرسے کاگد زرت ھمودا شتوں، مزنیں لینے لگوگ ات رش کش ات،
دلار ڈنا اوشتوک اتاں، یکیں ءَ منی دست گپت کہ بیا تئی پاسپورٹ ءَ من ھڈ کناھنی، پاسپوثءِ زَراں ابید منی فیس انکس انت، سک باز گشگا ات۔
من آ مکن کت ءُ ٹوکن ئے گپت وت لین ءَ وتی باری ءِ ودار ءَ اوشتات اوں۔
منی کہ باری اتک منی نام یکیں ءَ توار کُت۔
من کوٹی ءَ پترتوں تہا رش کش ات یک زالبولیں اپسرے کرسی ءِ سرا نندوک ات۔
منا چارتے چارگے شرتہ گشی تو ادا پاسپورٹ چیا ھڈ کنگا ئے تو وا ایرانی ئے اے۔
من وس کت کہ زال من ولا کہ ایرانی ئےنہوں تربت ءِ نندوک ھوں منی تیوگیں کاگداں بچار، بلے زالوک ءَ منی یک گپے ھم باور نہ بوت درا در منا کمارے نہ کت۔
من ڈنا در اتکو ہما مرد اوشتاتگ ات کہ منا پیسرا گشتگ اتے کہ منا زر بدے من تئی پاسپورٹ ءَ ھڈ کناھنی۔یک برے دلا اتک کاگدانے بدے بلے شرے کنت، بلے پدا زھرگ ءَ جا جت منا مکنے کُت۔
من پدا مرد کمار نہ کت در اتکو چہ ایشانی کارگس ءَ۔
صدر ءَ ہمیں جاگہ ءَ کہ پاسپورٹ والہانی کارگس انت ہمیں جاگہہ ءَ کوئٹہ ءِ گاڈی ھم رونت۔
من شال ءَ سنگتے فون کت کہ بیا منا پاسپورٹے ھڈ کنگی انت۔
منا پسوہے دات اچ پریشان مبو برو پاسپورٹ ئے دپتر شال ءَ پلانی ہمودا بی منی نام ءَ بگر وت تئی دُرسے کاراں ٹہھنت۔
دوہمی روچ ءَ من شال ءَ اتو، ہما سنگت ءَ کہ پاسپورٹ کارگسے مردے نام منا گوشتگ ات من تچک ءَ ہمائی کرا شتوں۔
منا نادینتے، چاہے وارینتیں، بچک ئے پرمات برو واجہ ئے پاسپورٹ ءِ زراں بینک ءَ جم کن۔
بچک ءَ زر جم کت انت منا رسیدے دات۔
بزاں پجاروکی ءِ سوب ءَ نیم کلاک ءِ تہا منی دُرسے کار ٹہھت انت۔۔
من یوکے والا کمپنی ھال دات منی پاسپورٹ پانزدہ روچانی نیام ءَ ھڈ بیت منا رسیت۔
منا ھال ئے دات کہ انچو کہ ترا پاسپورٹ رسیت منا عکسے کش راہ ئے دے، گڑا تئ Invitation latter ءَ ترا راہ دئی تو برو ایمبیسی ءَ ترا مصر ءِ ویزے رسیت۔۔
رواں انت۔