کیوبا (اسپینش کوبا) ءَ ما چے دیست؟ (دھمی بھر۔)
کیوبا (اسپینش کوبا) ءَ ما چے دیست؟ (دھمی بھر۔)
جیسز زیانی وینیزویلا چو پاکستان ءِ پیما دائم ھیران انت کہ کجام نیمگا بروت، کرپشن، فوجی آمریت ءُ ایندگہ جنجالانی مدام آماچ انت، ہما دوراں کہ اسپین والہاں لانک بستگ پہ امریکی ملکانی گرگ ءَ گڑا وینزویلا ھم 1522 ءَ اسپین ءِ کالونی ئے جوڈ بوتگ،
کساس دو سد ءُ نود سالانی واب ھو اسپینش کالونی بوگ ءَ پد 1811 ءَ ہندی مھلونک اسپین ءِ ھلاپ ءَ پاد کیت کہ واجہ نو وا بس انت، ءُ اسپین ءَ چہ وتی ملک ءَ در کنت۔
منی دلءَ اسپین ءَ مسلمانیں تاریک بن زیاد زیانی زھر بزگیں امریکی ملکانی مھلونک ءِ سرا کشتگ انت۔
سنہ 1811 ءِ شورش ءَ پدا نوزدہ سالاں پد وینزویلا 1830 ءَ ازاتیں ملکے جوڈ بیت۔
بلے گلامیں قومے نفسیات مدام گلامی بیت وت واجہی آھارا نہ ساتی 1830 ءَ بگر داں روچ مروچی جیسز زی بزگ انت، دنیا ءِ مستریں تیل ءِ ھزانگ ءَ نی واھند چنڈیں نان ئے مھتاج انت، کساس نیم آبادی ہمساھگیں ملکاں دراہنڈھ انت ایندگہ نیم کہ اچ جاگہ شت نہ کنت چُمے دگراناں سک انت کہ آئی ایم ایف، امریکہ ءُ ایندگہ ملک بیاہاں کمک بکن انت۔
امریکہ ہمیں تیل ءِ ھزانگ ءِ ھاترا روچے جمہوریتے، ڈکٹیٹریں، ءُ وتی پسندئے سروکے کاریت۔
ءُ ملک انچو نشہ آماچیں مردے پیما تتران دستے ٹال روان انت۔
مئے دیم ءَ اسپین ءِ جوڈ کتگیں کلات ات کہ نوں کیوبا ءِ مزنیں بیرکیں لگوک ات،
کلات ءِ دیم ءَ مستیں زر ات ءُ زرے نیمگا بندوکیں لیٹ ھاوس ات کہ مِک ات۔
اے لیٹ ھاوس ءِ تہ ءِ روکیں بتیاں باریں چینکس دری یکدار ءُ گراب راہ پیش داشتگ کہ اے ھَنداں لُٹ ءُ پُل ءَ اتکگ انت،
قبضہ گیرءَچے آرت وا نیاری، گورو منی گپے پسو دات۔
ما انچیں جاگہ ءَ نشتگ اتاں کہ کلات آ دیم ءَ ات۔
مئے ءُ اے کلات ءِ نیام ءَ ھورے ات بزاں گراب ھمیں کسانیں ھور ءَ رونت Havana ءِ پورٹ ءَ لنگر بنت،
او اگاں گرابے Havana ءِ پورٹ ءَ لنگر بہ بیت گرا پچیں زر ءَ چہ اندیم بیت پدا دانکہ کلات ءَ نہ گوَزیت درا ءُ جنگ نہ بیت۔
ھمیں ھاترا اے کلات ءِ وتی وھداں مزنے ارزشتے بوتگ۔
کلات ءِ تھا دوزدہ مزنیں توپ لگوک بوتگ کہ انگت است انت کہ دیمے ماں زِرے نیمگا انت۔
انچوں گشاں کہ وھدے برتانیا ءَ ارش کتگ 44 روچاں ہمیں توپاں شھر رکینت،
چل ءُ چار روچاں پد نو اسپین ءَ پرورش وارتگ ءُ کلات برتانیا ءِ فوجاں دستگیر کتگ۔
من گورو جست کت کہ رَونے کلاتے چارگا۔
مرچی نہ دگے روچے آھائی پسو دات۔
روان انت