“مکران ـــــــ تاریخی و تحقیقی تناظر میں “ششمی بھر
“مکران ـــــــ تاریخی و تحقیقی تناظر میں “ششمی بھر
مصنف : ڈاکٹر فاروق بلوچ
تحریر :سجّاد کوثر (21/04 /2023 ) 30 رمضان المبارک
مکران کا خطہ بہت ہی قدیم ہے ، اگر دیکھا جائے تو کرمان و مکران و سیستان کے علاقے بلوچ راج کا ابتدائی مسکن رہا ہے .عہد قدیم یعنی سائرس اور ھخامنشی دور میں ماکا ایک آزاد ریاست رہی ہے اور انکی زبان “اوستا” تھی . گُمان یہی ہے یہی ماکا بعد میں ماکاران (ماکا کا جمع) اور آج مکران کی صورت میں وجود رکھتا ہے اور اس کا راجدھانی پنجگور رہا ہے .
پنجگور کے اہم تاریخی مقامات و آثار قدیمہ و دمب اور ٹیلے ہیں ، گو کہ ان میں سے بیشتر کا مذھب سے تعلق و انسیت رہی ہے . یہی علامات و نشانات کسی بھی خطّے کی قدیمی اور تاریخی اھمیت کو اجاگر کرتے ہیں .
کہن کلات جو کہ بوستان گاؤں سے متصل ہے اور “لالئیاں” و “ڈمب” جوکہ بونستان کی شمال میں تسپ پنجگور میں دریائے رخشان کے قریب واقع یہ آبادیاں پنجگور کی اوّلین آبادیاں ہیں . کہن کلات کے متعلق مقامی تاریخ خاموش ہے مگر آر ہیوز ، آئی سی ایس (ترجمہ :یاسر جواد) اپنی کتاب “گوادر ، کیچ اور مکران ” میں یوں رقمطراز ہیں کہ
“پنجگور شاید عرب جغرافیہ دانوں کے کناز بن سے مشابہہ ہے . لگتا ہے کہ یہ ہمیشہ کیچ کا ایک حصّہ تھا اور اسکی تاریخی قریبی طور پر کیچ کیساتھ بندھی ہوئی ہے . بعد کے دور میں علاقے کا نام مرکزی مقام (جس کے آثار کہنہ کلات (پرانا قلعہ) کے قریب اب موجود ہیں ) کی نسبت سے خرم آباد ہوگیا . خرم آباد بُنستان سے ڈیڑھ میل شمال مغرب میں تھا . کہتے ہیں کہ یہ بہت گنجان آباد قصبہ تھا اور یہاں پھلوں کے متعدد باغات تھے . مکران کے آخری مَلِکوں میں سے ایک مَلِک مرزا (جسکا ذکر “تاریخ” کے سیکشن میں آیا ہے) سترھویں صدی کے اوائل میں بلیدیوں کے ہاتھوں کہنہ کلات میں مارا گیا تھا . پنجگور گچکیوں کے عروج کیوجہ سے بھی مشہور ہے جنکا نام گِچک وادی سے منسوب ہے . بعدازاں انہوں نے کیچ پر قبضہ کیا اور اور انجام کار کلات کے خوانین کو مطیع کیا.
آثار قدیمہ کے اعتبار سے دلچسپ چیزوں میں درج ذیل کا نام لیا جا سکتا ہے ، کہنہ کلات جسکی تعمیر میں بڑی پختہ سرخ اینٹیں استعمال کی گئیں اور جسے اہل فارس نے تباہ کردی .”
جاری ہے
