“مکران ـــــــ تاریخی و تحقیقی تناظر میں ” پنچمی بَھر
“مکران ـــــــ تاریخی و تحقیقی تناظر میں ” پنچمی بَھر
مصنف :ڈاکٹر فاروق بلوچ
تحریر : سجّاد کوثر (19 /04 /2023 )
یہ ایک مسلمہ حقیقت ہے کہ خطّہ پنجگور کے اندر بلوچ قوم کی وارد سکونت ، تہذیب و تمّدن ، جداگانہ شناخت و تشخص سے قدیم تاریخ کیساتھ ایک جدید تاریخ بھی معرض وجود آئی تھی کیونکہ یہ خطّہ اپنی جغرافیائی اور سیاسی اہمیت کے بناء عہد قدیم سے لے کر عہد جدید تک یکسان طور پر اہمیت کا حامل رہا ہے .تیزی سے بدلتی دنیا کے تناظر میں اس میں اضافہ ہو رہا ہے . یہ علاقہ زمانہ قدیم میں ایک عالمی تجارتی منڈی کے علاوہ ایک عالمی راہ گزر بھی رہا ہے کیونکہ مکران اور رخشان کے سنگم پہ واقع پنجگور کا موسم انتہائی دلفریب اور خوشگوار ہوتا ہے . یہاں پہ گرمیوں اور سردیوں کے موسم میں کاشت ہونے والے سبزیاں اور پھل کی پیداوار ہوتی ہیں . اگر یہاں کجھور کی فصل مشہور ہے تو دوسری طرف یہاں کے انگور و انار و سیب بھی بے مثال ہیں . اپنی آب و ہوا اور زرعی خوشحالی کی وجہ سے قدیم زمانے میں بھی اس کو ایک تجارتی منڈی ہونے کا شرف حاصل رہا ہے . یہاں کی کجھوروں کیساتھ ساتھ شِیرَگّی (پامیذ) جو کہ کجھور سے پامیذ جو کہ گُڑ کی طرح ہوتا ہے ، انکی عالمی مارکیٹ میں بہت مانگ رہی ہے . اس زمانے میں یہاں سرسبز اور آبادی تھی اور لوگ مالدار تھے تو یہاں کی پشم اور اون کی الگ پہچان اور مانگ تھی . یہاں کے پشم بمبئی کے مارکیٹ میں جاتی تھی اور وہاں سے مویشیوں کے ادویات و پلستر آتے تھے اور اسی طرح شِیرَگّی کی مانگ افریقی ممالک کے علاوہ بصرہ ، اوگانستان اور مشرق وسطی و خلیجی ممالک میں بھی طلب تھیں. تو اس لئے ھم یہی کہتے ہیں پنجگور اپنے گردوپیش کی نسبت سے اپنا ایک منفرد اور الگ شناخت ہے . یہ خطّہ بلوچ راج کی قدیم تاریخی حیثیت کا امین ہے . پنجگور حضرت عمر رضی اللہ عنہہ کے دور سے عربوں کے لئے اھمیت کا حامل خطّہ بن گیا تھا .
“فارس میں بلوچ مختلف گروہوں کی شکل میں جنوب مشرقی علاقوں میں پھیلے ہوئے تھے . ان میں سے چند قبائل پروم کے راستے مکران میں آئے اور پنجگور تک بڑھتے چلے گئے . ان بلوچوں کی موجودگی کی اطلاع ہمیں المقدسی کے ذریعے سے ملتا ہے . جب انہوں نے اپنی کتاب میں “بلوص” قوم کی پنجگور میں دسویں عیسوی کی دور میں رہائش پزیر ہونے کی اطلاع دی . ولایت مکران کے بارے میں المقدسی کے حوالے سے اسٹپرئچ رقمطراز ہیں
“بنجبور میں مقدسی کے مطابق مٹی سے تعمیر شدہ ایک قلعہ تھا . جسے ایک خندق کے ذریعے سے تحفظ دیا گیا تھا اور شہر کے ارد گرد نخلستان واقع تھے . شہر کے دو دروازے تھے . باب تیز جنوب مغرب کی جانب کھلتا تھا جہاں سے تیز (تیس بندر) کو راستہ جاتا تھا . باب توران شمال مشرق کی سمت کھلتا تھا ، جہاں سے اسی نام (توران) کے ایک ضلع کو راستہ نکلتا تھا . جس کا صدر مقام قزدر (خضدار) تھا . شہر کو پانی فراہم کرنے کے لئے ایک چشمہ موجود تھا اور جامع مسجد عام منڈی میں واقع تھا گو کہ مسلمان وہاں صرف غیر مہذب بلوصی تھے جنکی زبان ایک غلط ملط شدہ مبہم بولی تھی “
بلوچ 2009: 213
دسویں صدی عیسوی میں پنجگور میں آباد ہونے کے بعد کچھ عرضے بعد بلوچوں کی ہجرت کی جبلت نے انھیں آگے بڑھنے پر مجبور کیا اور وہ سندھ کے سرسبز و شاداب خطّے کی طرف بڑھنے لگے.
(جاری ہے)
