“مکران ـــــــ تاریخی و تحقیقی تناظر میں “۔ چارمی بَھر
“مکران ـــــــ تاریخی و تحقیقی تناظر میں “۔ چارمی بَھر
مصنف : ڈاکٹر فاروق بلوچ
چارمی بہر : سجّاد کوثر (18/04/2023 )
جیسا کہ میں نے اپنے تحریر کے شروعاتی قسط میں کہا تھا کہ مکران کے سفر کا آغاز پانچ ھزار سال قبل از مسیح سے شروع ہوا تھا ، اور اس کا اختتام ریاست قلات کے پاکستان کے الحاق پر ہوا تھا . پانچ ھزار سے لے کر سات ھزار سالوں پر محیط اس عرصے میں مختلف ادوار سے گزرے ہیں . ھمیں یہاں سے ملنے والے آثار قدیمہ کی دریافت سے یہی پتہ چلتا ہے کہ یہ سرزمین عہد قدیم سے لے کر عہد جدید تک مختلف تاریخ ساز گروہوں کی گزرگاہ اور جاہِ مسکن رہا ہے بلکہ یہ ایک ھمہ گیر تجارتی سلسلے کا احوال بتاتے ہیں کہ جب وادی سندھ کی تہذیب اپنے عروج پر تھی تو انکے تجارتی تعلقات سمیری ، اکادمی اور بابلی تہذیبوں کیساتھ تھے . یہ سارے احوال ہمیں سُتکگیں ڈور ، شاہی تمپ ، گوادر اور پسنی کے قلعے اور کوہ باتیل پر آثار ،ھوشاب اور تجابان کے دمب ، سُتکگیں کوہ ، بالا کوٹ (لسبیلہ) اور تسپ کے ڈمب (نالیئیانی ) موجودہ قادر آباد اور بونستان شہر سے متصل کہن کلات سے ملتے ہیں .
یاد رہے تسپ پنجگور میں واقع مغرب کی جانب آخری گاؤں جسے “ڈمب ” کہتے ہیں . بلوچی میں “ڈمب” یعنی “دمب” اور زمین میں چھپی آثار قدیمہ کو کہتے ہیں جو لوگوں کی نظروں سے اوجھل رہے ہیں .
“نام پنجگر سے قبل دو مقامات کی شہرت تھی . ایک مقام خرّم آباد کہلاتا تھا . جسے ھتورام نے خرما آباد لکھا ہے . یہ خرّم آباد اس مقام پر ہوتا تھا جو آجکل کوہ بن کہلاتا ہے جہاں ایک پرانی تہزیب کے آثار پھیلے ہوئے ہیں . دوسرا مقام “لالئیاں” ہوتا تھا . جو قبیلہ “لالئی” کے نام سے آباد تھا”
(نسیم ، شنگ بوئگ ءِ رمس نیست ،111)
یہ مقام تسپ میں دریائے رخشان کے کنارے پہ واقع “لالئیاں ” عہد قدیم میں ایک بڑی آبادی تھی . “لالئی ” کے نام سے قبیلہ بھی آباد ہے . اس “لالئیاں ” پر سلجوقی ، صفراوی ، خوارزم شاہ حکمرانوں اور دیگر ایرانی حکمرانوں بے کئی حملے اور لوٹ ماریں کی ہیں .
“اس شہر کی آخری آبادی کی تباہی کے بارے میں مشہور ہے کہ یہ آبادی ایک بڑے قحط کی زد میں آئے اور کھانے کی چیزوں کو ترس رہے تھے کہ ایک ٹڑی دل (مَدّگ) نے ان پر حملہ کیا اور تھوڑی بہت فصلوں کو چٹ کرنے کے ان پر بھی حملہ آور ہوگئے اور یہ ناتوان لوگ اپنے کو اس لاکھوں کے ظالم لشکر سے زندہ نہ بچاسکے. بعض خوف زدوں نے اپنے کو کنؤوں میں گرا دیا اور مر گئے . اس طرح لالئیاں کی پوری آبادی نیست ہوگئی . اب وہ مقام “ڈمب” یعنی ویران آباد کہلاتا ہے . گمان غالب یہی ہے کہ پُنجگر کا خاص مقام چتکان کا وہ حصّہ ہوتا تھا جو اب شاپاتان کہلاتا ہے .جہاں پر قدیم پُنجگر کے حکمران گھرانے کا خوبصورت گنبد ہے . جو موجودہ وقت میں “شاہ او قلندر” کہلاتا ہے”
(نسیم ، شنگ بوئگ ءِ رمس نیست ، 111)
جاری ہے