“مکران ـــــــ تاریخی و تحقیقی تناظر میں ” سیمی بَھر
“مکران ـــــــ تاریخی و تحقیقی تناظر میں ” سیمی بَھر
مصنف : ڈاکٹر فاروق بلوچ
سیمی بہر : سجّاد کوثر (15/04 /2023 )
ڈاکٹر فاروق بلوچ کا کتاب “مکران ـــــــ تاریخی و تحقیقی تناظر میں ” بلاشبہ ایک منفرد جُہد و کاوش ہے . اس سے پہلے اس موضوع پر ایک آدھا شعوری جُہد ضرور ہوئی ہے مگر مجموعی طور پر مکمل اور تسلی بخش مواد نہیں ملتا ہے . دوسری جانب اس طرف لکھاریوں کی توجہ بھی کم رہا ہے . مگر اب چونکہ اس جانب پٹپولکار اور لکھاریوں کی توجہ راغب ہوئی تو انہوں نے محسوس کی اس عظیم خطّے کی تہذیب و تمّدن اور تاریخ کے بغیر بلوچستان کی تاریخ کا احاطہ ممکن نہیں ہے .
ڈاکٹر صاحب سے چونکہ علمی و ادبی ، استاد و شاگرد کا رشتہ ہے . بحیثیت ایک قاری اور شاگرد کا میں ھمیشہ انکی پُرمغز تحریروں اور کتابوں کا بغور مطالعہ کرتا آ رہا ہوں . ڈاکٹر فاروق بلوچ کی تحریروں کا بُنیادی مقصد اس ھنکین و سرڈگار کی دود و ربیدگ ، تہذیب و تمّدن و رسم و رواج کو تاریخی تناظر میں پیش کرنا ہے ، کیونکہ یہ خطّہ مکران نہ صرف بلوچ و بلوچستان کی تاریخ کا محور و منبع ہیں بلکہ اس خطّے کو وہ حیثیت حاصل ہے شاید ہی بلوچستان کے کسی حصّے کو ہو . چونکہ ڈاکٹر صاحب اس سرزمین کا باسی ہونے کے علاوہ اس سر ڈگار کی تاریخ ، تہذیب و تمّدن اُستانی و دود و ربیدگ پر وسیع علم و مشاہدہ رکھتے ہیں . وہ حقیقی معنوں میں اس سرزمین کا وہ عاشق ہے جو ہمہ وقت جستجو میں رہتا ہے . مصنف نے اس سے پہلے بھی ایسے کئی لازوال تحقیقی کام کئے ہیں جو امر ہیں . انہوں بلوچستان کے آثار و قدیمہ و ٹیلوں پر بھی بے شمار کام کئے ہیں ، جنکی نظیر نہیں ملتی .
مکران بلوچستان کا ایک تاریخی اور اہم حصّہ ہے ، مکران بلوچ بُندپتر اور تاریخ میں بہت ہی اھمیت کا حامل رہا ہے. اس خطّے کے اندر بلوچ راج کی وارد سکونت ، عروج و زوال ، جداگانہ شناخت و تشخص ، تہذیب و تمّدن اور ثقافت سے قدیم تاریخ کیساتھ ایک جدید تاریخ بھی معرض وجود میں آئی تھی . بلوچ سرڈگار کی سرحدیں جنوب میں جنوب میں بحیرہ بلوچ ، مشرق میں دریائے سندھ ، شمال میں کوہ تکتو سے ھلمند اور مغرب میں دشت لوط تک پھیلی ہوئی تھیں . یہ خطّہ جغرافیائی ، سیاسی ، معاشی اور عسکری لحاظ سے قدم عہد سے جدید عہد تک یکسان طور پر غیر معمولی اہمیت کا حامل خطّہ رہا ہے .
یہاں کے تاریخی قلعے ، پرانے قبرستان ، پرانے کلات و مقبرے جو کہ اس بات کی گواہی دیتے ہیں یہاں کی طرز معاشرت ، رہن سہن ، ذریعہ معاش ، جنگ و جدّل کے طور طریقے کیسے تھے .
تسپ پنجگور جو کہ یہاں بہت ساری دمب و ٹیلوں کے علاوہ مقبرے بھی ہیں ، مگر ابھی تک بالا حکام کی نظروں سے اوجھل ہیں اور انکو انکی توجہ درکار ہیں .تسپ کے مضافات میں ایک ندی ہے جسے “کسان بگدر کور ” کہتے ہیں . انکے دونوں اطراف قبریں ہیں جو کہ ظہور اسلام سے پہلے کی ہیں . قبروں کے سرھانے قبلہ کی طرف ہیں اور میتّیں اپنے استعمال شدہ اشیاء و سامان کیساتھ مدفون ہیں . خزانے کے شوقین لوگوں نے ان قبور کو کافی نقصان دیا ہے ، نہ صرف ان قبروں کو نقصان پہنچایا ہے بلکہ اس سرزمین کی تاریخ و ثقافت کو بھی تباہ و برباد کر چکے ہیں . اس جگہے کو “بُزرگانی سَر” کہتے ہیں جہاں خزانے کے متلاشی لوگوں نے یہاں قبروں کو کھود کر پرانے سامان نکال کر ملکی مارکیٹ کے علاوہ عالمی مارکیٹ میں سستے داموں میں چند کھوڑیوں کی خاطر بھیج دیے ہیں .اس قبرستان میں ابھی تک ایسے قبروں کے نشانات ہیں جو کہ خزانے کے متلاشی لوگوں کی نظروں سے تو بچ گئے ہیں مگر ہمارے محقیقین کی نظروں سے یہ تاریخی قبریں ابھی اوجھل ہیں .
(روان اانت)ان
