خاموش رنگ۔ شائر: عیسی گُل
خاموش رنگ
شائر: عیسیٰ گل
شائر: عیسیٰ گل
پہ زَرّ ءُ پیس ءِ نیّت ءَ دل ءَ ھساب بستگ اَنت
اےچُکّ ھُشکءَ لُڈّگ اَنت بچارکتاب بستگ اَنت
اےگَوکءُ استرگ چیءَچوکلّءُکُنٹ اَنت پجّیءَ
سوال ھرچےکنت بہ کنت ادا جواب بستگ اَنت
اے مردماں چو دَلوتءَ کَڈبءُکاہ نہ جاتگ اَنت
تو بزّگیں ھر ءِ بچار پاد ھراب بستگ اَنت
ماھرچےونتگ دْروگاں درست واجہانی بستگیں
آتچکءُراستیں کِسھانی دْراھیں باب بستگ اَنت
تئی اے کارءُکارپَداں اگولیں سَر مئے پِر نہ بیت
کہ ھَرڈگارءَتردّگ اَنتءُگَوسک ءُٹاب بستگ اَنت
مُدام لِلّک ءَ گڑاں پہ نان ءُ گوشت ءِ جائگ ءَ
کہ بُرزی نیش ڈاکٹر ءَ مئے،چوٹءُتاب بستگ اَنت
کُجا رو ئے اے روچگانی ماہ ءِ زگریں ساھتاں
کہ لمب ءَ بڈّ ءِ چادر ءِ نگن ، کباب بستگ اَنت
کُجا برؤت گریبیں مید شوہاز ءَ لاپ ءِ گُژنگیں
کہ ھَرکُجا گوں ٹولراں شگالاں تیاب بستگ اَنت
کُجا کُجا نہ شھم اِتگ آ رنگ ءُ نُور ءُ جلوھاں
گِس ءَ کہ وھدے رَپتگیں گڑا نکاب بستگ اَنت