برٹش انڈیا اسٹیم نیویگشن سی۔ پٹپولکار: : زرنگار
(BI) british india steam navigation c
برطانوی انڈیا ءِ کمپنی ے بیتگ ایشی ءِ بُنجل کلکتہ بیتگ اے کمپنی دنیا ءِ تہا آپی گراب جوڑ کنوکیں درستاں چہ مستریں کمپنی بیتگ ،ایشی ءِ بُنپد 1856 ایر کنگ بیتگ ءُ اے کمپنی ءِ پتّر 1972 پیچگ بیتگ ۔۔۔ اے کمپنی ءَ گراب جوڑ ھم کتگ ءُ گُراب ھلّائینتگ ھم ۔۔ ایشی ءِ گور ءَ 500 ءَ گیش گراب ھست بیتگ ۔۔ ایشی ءِ مستریں اسٹاپ برطانیہ ۔ انڈیا ۔ آسٹریلیا ۔ تنزانیہ بزانکہ افریقا بیتگ اَنت ۔۔ ایشی ءِ گراب پاکستاں، سیلون، بنگال، انڈونیشیا، جاپان، خلیج فارس، افریقا ءُ اے دگہ ملکانی بندناں شتگ ءُ کار کتگ اِش ۔۔ اے کمپنی بندر ءَ دریائی ٹرانسپورٹے بیتگ ایشی ءِ مشہوریں گراب ۔۔ رجولا ۔ ڈُمورا ،(ڈُمرا)، ڈوارکہ ءُ دارا بیتگ انت ۔۔ ایشی ءِ گُڈی گراب ایس ایس نیواسا بیتگ ۔۔ اے گرابانی تہا بازین ے مئے مَکُّران ءِ بندناں چوشکہ پَسِّنی جیوانی گْوادر ءَ اتکگ انت ءُ پاسنجر کشتگ ءُ داگینّہ آورتگ اِش ۔ایشی ءَ ابید گوادر ءَ اے کمپنی ءِ دپترے ھم بیتگ کہ گوں کراچی آفس ءَ بندوک بیتگ