تو بُوگاں واب گیج ئے لنکُکانی
دستونک
امیر دوست
تو بُوگاں واب گیج ئے لنکُکانی
امیر دوست
تو بُوگاں واب گیج ئے لنکُکانی
سِداَنت مُہرگ زئیپیں تَسہبیانی
سَگی تُنّے گشئے اے روچ ءِ ارواہ
چنان اِنت آپ ءُ نَمباں ساہگانی
بہشتی دوزہ ءَ پہ سئیل کاینت
پَل ءَ واپین اَنت آس ءِ نیوّگانی
تئی زلپ ءِ دیگریں تہنائی ءَ گوں
اڑیت ءُ چول جنت گوات ءِ روانی
جتائے تو، چہ تاکاں ہون در کئیت
منی پیژگاہ ءِ پُلّ ءُ سبزییانی
اے آزماں لولی ءُ امبائی چاڑے
تواراں گْوپتہ مُودی گوانزگانی
امیرؔ پرریچگ ءَ شئیرانی اینچو
چِتہ اسپیتی یے ہوناں رَگانی