دِلوں چہ باتِن ءَ در کت
لچّہ کار: گلام نبی کمال
دِلوں چہ باتِن ءَ در کت
گوں ارماناں
پہ تو پہ واھگے سر کت
کہ پہریزئیے
چِنئے ءُ دَپ ءِ دئیے
وارینئے ، بیت مَزن
زانت بَد ءُ نیک ءَ وتی
چِست بیت پہ رَکّینگ ءَ
وتی مادر ءِ
کہ گِپتگ لَھیناں چہ ھر نیمگ ءَ
او ، پیلو کنت ، ارماناں وتی
بلے
تو واتر کت پدا پہ من
چوش کہ چورہیں چُکّ ءَ
لوچ ءُ لنگڑی
گوں گُژنگیں لاپ ءَ
گوں ارماناں ھما پیشی
او ھما اِنت کہ
پدا کپتگ منی ھنکین ءَ
پہ شُد ءُ بَد