بلوچی لبزانک ءَ زالبولانی کرد۔ سمل بلوچ
بلوچی لبزانک ءَ زالبولانی کرد
سمل بلوچ
انچش کہ ما سر پدیں کہ ہر یک قوم ءِ وتی لبزانک بنت ءُ ہر یک ءِ الگیں ساچشت بنت الگیں تب بنت گوں الگیں ساچشت اں اہانی زبان ءُ لبزانک جنزاں کناں
ھمے قوم ءُ کُٹم انی توک ءَ یک زبان ءِ است انت کہ ائی ءِ لبزانک یک وہد ءَ سک باز لُک بوتگ. بزان کہ بلوچی مروچی ہم ما گُشت کنیں کہ مئے لبزانک چہ زمین ءَ دیم پہ آزمان ءَ سپر کنئگ انت ھمے واب کہ ما گیندگہاں وتی ھوری ءَ گوں جنزان انت ءُ دیما روان انت
بلوچی لبزانک ءِ تہا اگاں ما بچاراں گڈا مارا چہ زالبولاں گیش مردین ادم گیندگ ءَ کایاں چش نہ انت کہ زالبول نیست انت نوکیں زمانگ ءَ بازیں زالبول است انت کہ وتی دل انی اوپارگ اں ڈن ءَ در کنگ لوٹ اں بلے مئے بلوچ سوسائیٹی اھاں اے پیم کنگ ءَ نیلیت اگاں ماں وتی کہنیں لــــــڑ ءَ بچاراں گڈا چندے نام است انت مئے لبزانک ءِ تہا کہ اھاں پہ لبزانک ءَ او بلوچ زالبول اں یک راہ ءِ وت گیچین کرتگ شاعری بیت یا آزمانک او ایندگہ تہر ببان اھاں اوژناگ کتگ ھمے وڈا زانتکار گشنت کہ زالبول ءِ ازاتی ائی ءِ درشان ءُ درانگازی انت اے درشان ءُ درانگازی گُد دوچی بیت یا جنگ ءُ مِڑ ءَ بہر زورگ بلوچ جنیادم ءِ یک نہ یک رنگ ءِ مارا گوں ذند ءَ ہم کوپگ گندگ ءَ کئیت انت……………اگاں ما گپ بکناں گڈا لبزانک ءِ پڑا پیسر مارا مہناز ءِ نام گیندگ ءَ کیت بلوچی لبزانک ءِ تہا مہناز ءِ کرد مارا پہ ائی ہستی ءُ وجود ءَ گندگ ءَ کیت انت وہدیکہ اھارا شگان جنگ بیت گڈا اگشیت
من ھما انجیراں پتن تاکیں
بُرز ما کوھانی شم ءَ رستگ
سر منی ہچ گوات ءَ نہ چینڈینتگ
اے زمانگ ءَ مہناز شاعری ءَ وہد ءِ کہ ما گینداں گڈا مارا ھمے درونت دیگ بیت کہ اے زمانگ ءَ شاعری ءِ کچ ءُ کساس چہ بوتگ اں چہ شعر زانگ بیت انت کہ مہناز وتی زمانگ ءِ منتگیں شاعراں ھوار بیت گوں
بیا نی ھمے گپ ءَ گیشین ایں کہ بلوچی لبزانک ءَ زالبولانی لبزانک کدی بندات بیتگ
آے ار داد! وتی رد ءُ بند داتگیں کتاب پتن تاکیں انجیر ءِ تہ نبشتہ کنت ءُ گشیت جنین ادم نبشتگیں لبزانک نوکیں لبزانک گوں ماھتاک بلوچی کراچی 1956 ءَ چہ طاہرہ عالیانی ءِ رجانک کرتگیں نبشتانک بندات بیت ا ھم وتی لبزانک ءِ سپر ءَ چہ ن م راشد ءِ سپر نامہ ءِ رجانک ءَ چہ کنت کہ ماھتاک بلوچی کراچی ءَ چاپ ءُ شنگ بیت
ساچشتی ردا اولی نام کہ دیما درکیت ءُ زاھر بیت آ بانــــل دشتیاری انت وتی لبزانکی سپر چہ پانزدہ روچی زمانہ کراچی دسمبر 1986 ءَ بلّوکپوت……کالم ءِ سر ھال ءَ چہ کنت بانل دشتیاری ءُ گوہر ملک ھر دو لبزانکی لوگے مردم بیتگ اں
نبشتہ ءِ کنگ ءِ وت یک جتاہیں تب ءِ اے ھر کسی کرا بوت کنت بلے لہتیں چہ نبشتہ کنگ ءَ اشنا بیت ءُ لہتیں اینا. اگاں ما بچاراں مئے بلوچ زالبولانی تب لبزانک ءِ تہا مارا گیشتر ردانک ءِ نیماگہ مارا دلگوش کنت
بانل دشتیاری. زینل کُلانچ. صبحیہ کریم. ذاہدہ رئیس ءَ یل کن ے دگراں کہ کمو نبشتہ کتگ اھاں گیشتر نبشتانک راجی ءُ سیاسی چاگردی ءُ آزمانک ءِ تہا کتہ کاری کتگ
بنداتی زمانگ ءَ بس چندے نام بوتگ اں
بانل دشتیاری
گوھر ملک
راشدہ بلوچ
زینت ثناء اشانی ساچشتانی تہا جنین اھانی ذند ءُ چاگرد جنینانی جیڑہ جنجال سر ھال ھمے بوتگ اں
اگان نوکین نبشتہ کاراں بچاراں گڈا اھانی تب گیشتر سیاسی ءُ مرچیگیں سر کشیں بنگپانی سرا انت
نوکیں تب زالبول نبشتہ کار بلوچ ءِ راجی جنز ءِ سر کشگ ءَ گوں بندات بیت اے زمانگ ءَ مارا
کریمہ بلوچ
عندلیب گچکی
سمی پرواز
عاہشہ عاشم
فاہزہ
سہیلہ بلوچ ءُ چندے دیگہ نام گون بلے ایشانی تب محکمیں رنگ ءَ روان نہ بیتگ
لبزانک ءِ تہا چندے کتاب بلوچ زالبولان داتگ اشانی تہا
گوہر ملک ءِ آزمانکانی اردو رجانک ءِ
زینت ثناء نگد ءِ سرا تھیسز ءِ ایم فل.
رخشندہ تاج ءِ بلوچی آزمانکانی کتاب ءُ عندلیب گچکی ءِ آزمانکانی دو کتاب زاہدہ رائیس راجی ءِ ازمانکانی کتاب چاپ بوتگ
چہ ایشی ءَ ابید ذاہدہ رائیس راجی ءِ اردو شعرانی دپتر سمی پرواز ءِ اردو لچہانی کتاب ءِ چاپ بوتگ
نگد ءُ چمشانک ءِ پڑا گیشتر زینت ثنا ءَ نبشتہ کتگ
جنینانی لبزانک ءِ دیم ءَ برگ ءِ ھاترا اھانی وتی گل ببان ءُ دیوان تاک ءُ تاکبند بہ بنت بگندے لبزانک ءِ پڑا دیما شت بکناں …………دیگہ گپ ءِ است انت کہ مئے سوسائیٹی اھاں نبشتہ کنگ ءِ واستہ ازاتی بدنت
سمل بلوچ